Newcastle með auga­stað á efni­legum miðjumanni Freiburg

Manzambi, sem er aðeins tvítugur, hefur vakið mikla athygli með frammistöðu sinni fyrir bæði Freiburg og svissneska landsliðið á heimsmeistaramótinu. Miðjumaðurinn hefur verið einn af skærustu ungu leikmönnum mótsins og áhugi stærri félaga hefur aukist í kjölfarið.

Newcastle er sagt fylgjast grannt með þróun mála og líta á Manzambi sem leikmann sem gæti styrkt miðsvæðið til framtíðar.

Manzambi er með samning við Freiburg til ársins 2030 og því mun hann kosta skildinginn.

Óljóst er hvort Newcastle leggi fram formlegt tilboð á næstu vikum, en ljóst er að frammistaða Manzambi á HM hefur komið honum á óskalista nokkurra af stærstu félögum Evrópu.