Kol­brún snýr aftur heim og semur við Tinda­stól

Kolbrún kemur til Tindastóls frá TK Hannover Luchse í Þýskalandi. Þar spilaði hún á síðasta tímabili en Kolbrún spilaði áður hjá uppeldisfélagi sínu Stjörnunni.

Kolbrún María var tvívegis kjörin besti ungi leikmaður Bónus deildarinnar, árin 2024 og 2025, áður en hún fór út í atvinnumennsku.

Kolbrún hefur leikið fyrir öll yngri landslið Íslands og spilaði sína fyrstu A-landsleiki árið 2024.

„Á okkar þriðja tímabili í Bónus deildinni er mikilvægt að styrkja liðið með leikmanni eins og Kolbrúnu sem kemur með kraft og seiglu. Vonandi mun það líka hvetja aðra leikmenn að skoða það að ganga til liðs við okkur, Tindastóll er frábært félag og gott að vera hluti af þessu körfuboltasamfélagi hér á Sauðárkróki. Við höldum áfram að vinna að uppbyggingu kvennaliðsins og hlökkum mikið til að vinna með Kolbrúnu á næsta tímabili,” sagði Israel Martin, þjálfari Tindastóls.

„Mér líst mjög vel á félagið, metnaðinn og umhverfið í kringum liðið. Ég hlakka mikið til að kynnast öllum og verða hluti af hópnum. Markmiðið fyrir tímabilið er að hjálpa liðinu að ná þeim markmiðum sem við setjum okkur saman, ná eins góðum árangri og mögulegt er. Ég hlakka mikið til að byrja,” sagði Kolbrún María, nýr leikmaður Tindastóls.