„Fann það þegar ég vaknaði í morgun að við værum on“

„Tilfinningin er ótrúlega góð og ég er ofboðslega glöð. Við erum búin að leggja á okkar mikla vinnu í vetur og erum að uppskera með þessum frábæra árangri og sætum sigrum,“ sagði Elísa, línumaður og varnarjaxl Valsliðsins, í samtali við Símann. 

„Ég fann það á mér þegar ég vaknaði í morgun að við værum on og myndum koma af krafti inn í þennan leik eftir vonbrigðin í síðasta leik,“ sagði hún um undirbúning liðsins.  

„Við fórum vel yfir það eftir síðasta leik hvað við gátum lagað. Það voru nokkur smáatriði sem við gerðum betur að þessu sinni og þess vegna höfðum við betur í þessum leik,“ sagði þessi öflugi leikmaður.