Hand­taka kín­verskan meintan njósnara í Noregi

Norska leyniþjónustan greindi frá handtökunni í dag. Lögregla gerði einnig húsleit á tveimur stöðum í tengslum við handtökuna. Önnur þeirra var gerð á eyju í Norður-Noregi þar sem Andøya-eldflaugaskotpallinn er að finna.  Hin leitin var gerð í sunnanverðu landinu, að sögn AP-fréttastofunnar.

Rannsóknin er sögð hafa hafist vegna grunsemda um að norskt fyrirtæki væri í reynd leppur fyrir kínverska ríkið. Konan sem var handtekin er sökuð um að vera samsek í tilraun til alvarlegra njósna um ríkisleyndarmál.

Hún á að hafa ætlað að koma fyrir búnaði til þess að sækja gögn frá gervihnöttum á sporbraut yfir norðurskautinu. Leyniþjónustan segir að það gæti skaðað „grundvallarhagsmuni Noregs“ ef erlend ríki kæmist yfir þau gögn.

Nokkrir aðrir eru ákærðir í málinu en hvorki var greint frá því hverjir þeir væru né hvers lenskir þeir væru.