Rúnar og Logi á­fram í Njarð­vík næstu tvö árin

Rúnar og Logi skrifuðu undir framlengingu á samningum sínum í dag en þeir hafa verið við stjórnvölinn síðustu tvö tímabil.

„Við erum mjög ánægð með þá Rúnar og Loga og stjórnin er spennt fyrir áframhaldandi uppbyggingu á karlaliðinu en undirbúningur fyrir næstu leiktíð er þegar hafinn,“ sagði Hafsteinn Sveinsson formaður Körfuknattleiksdeildar Njarðvíkur.

Njarðvík endaði í 8. sæti Bónus deildarinnar á þessu tímabili og féll svo úr leik í átta liða úrslitum með 3-1 tapi gegn Grindavík.