Ofurhlaupari lést á skoska há­lendinu

Parrish lagði af stað á Cape Wrath leiðina, sem teygir sig um 376 kílómetra yfir hálendi Skotlands. Hann hafði áður hlaupið Cape Wrath leiðina en ekki einn síns liðs.  

Parrish fannst látinn síðasta laugardag en viðvörunarbjöllur fóru af stað þegar GPS-mælir hans hætti að sýna hreyfingu.

Í tilkynningu lögreglu segir að ekkert grunsamlegt bendi til andlátsins. Cape Wrath leiðin þykir einstaklega erfið en á löngum köflum eru vegirnir tættir og hlaupið teygir sig alla leið yfir Knoydart-höfða og Torridon-fjalltindana.

„Reyndur fjallagarpur lést sorglega við að gera það sem hann elskar,“ segir í tilkynningu Kintail hlaupaklúbbsins sem Parrish tilheyrði en The Guardian fjallar um andlátið.

Núverandi methafi hlaupsins, ofurhlauparinn Pawel Cymbilista, var illa sleginn eftir að hafa frétt af andlátinu.

„Þetta snerti mig djúpt. David var í sambandi við mig áður en hann fór og ég studdi hann í að eltast við metið. Ég vissi hvað hann væri að fara út í í þessu hlaupi. Að hlaupa þessa leið einn, án stuðnings, skapar miklar áhættur,“ sagði Cymbilista.