Gabríel Snær seldur til Sví­þjóðar

„Þetta eru afar gleðileg tíðindi fyrir bæði félagið og Gabríel Snæ, sem fær nú tækifæri til að stíga næstu skref á ferli sínum. Um leið er þetta mikil viðurkenning fyrir starf félagsins, en með þessum félagaskiptum verður Gabríel 13. leikmaðurinn sem ÍA selur erlendis á síðustu níu árum,“ segir í tilkynningu Knattspyrnufélags ÍA á Facebook.

Gabríel er fæddur árið 2008 og þykir mikið efni en hann spilar sem sóknarmaður og skoraði nokkur góð mörk með ÍA á undirbúningstímabilinu. Faðir hans er markahrókurinn Gunnar Heiðar Þorvaldsson, sem gerði garðinn frægan í Svíþjóð á sínum tíma sem leikmaður.

Hjá Elfsborg mun Gabríel hitta Júlíus Magnússon og Ara Sigurpálsson, fyrrum leikmenn Víkings. Elfsborg hefur endað í 7. og 8. sæti sænsku úrvalsdeildarinnar á síðustu tímabilum.