Þurftu að stækka þýska meistaraskjöldinn

Skjöldurinn ber nafnið Meisterschale eða „meistaraskálin“ en í daglegu tali er hann vanalega kallaður Salatschüssel eða „salatskálin“.

Þessi sérstaki meistarabikar hefur verið veittur þýskum meisturum síðan 1949 og meisturum þýsku Bundesligunnar síðan 1963–64. Hann kom í stað Viktoriu-bikarsins, sem var upphaflegi bikarinn frá 1903 en hvarf undir lok seinni heimsstyrjaldarinnar og kom ekki aftur í leitirnar fyrr en eftir sameiningu Þýskalands.

Á bikarinn eru grafnir allir þýskir meistarar frá 1903 og hefur þurft að stækka hann þrisvar, fyrst 1981 og svo aftur árið 2009. Í þeirri stærð var nægt pláss fyrir alla meistara til ársins 2027 en nú hefur meistaraskjöldurinn verið stækkaður í þriðja sinn.

Þýska deildin sýndi frá því á miðlum sínum þegar skjöldurinn var tekinn í sundur og stækkaður. Eftir þessa stækkun verður hægt að bæta við þrjátíu meistaranöfnum á skjöldinn áður en það þarf að stækka hann aftur. Hér fyrir neðan má sjá hvernig menn stækkuðu þýska meistaraskjöldinn.