Körfubolti

Vildu alls ekki fara í sumar­frí en Haukar höfðu betur

Ágúst Orri Arnarson skrifar
Stjarnan lét illa segjast en Haukar eru á leið í undanúrslit. 
Stjarnan lét illa segjast en Haukar eru á leið í undanúrslit.  vísir/Hulda Margrét

Haukar fóru áfram í undanúrslit Bónus deildar kvenna en Stjarnan lét ekki sópa sér mótstöðulaust í sumarfrí. 88-84 urðu lokatölur leiksins eftir strangheiðarlega tilraun til endurkomu hjá Stjörnunni.

Haukakonur lentu ekki í miklum vandræðum með Stjörnuna í þessu einvígi en lentu í smávægilegum vandræðum undir lok leiksins í kvöld.

Stjarnan minnkaði muninn úr 87-70 niður í 87-84 þegar Haukar höfðu lagt árar í bát og bjuggust við að sigla sigrinum í höfn á sjálfstýringu.

Sólrún Inga Gísladóttir setti hins vegar mikilvægt vítaskot til að stöðva blæðinguna og tryggja 88-84 sigur. Stjörnukonur eiga hins vegar hrós skilið fyrir að gefast aldrei upp.

Stine Josefine Almqvist var stigahæst í leiknum með 26 stig fyrir Stjörnuna en Tinna Guðrún Alexandersdóttir skoraði mest fyrir Hauka, 17 stig.

Bónus-deild kvenna Haukar Stjarnan

Mest lesið


Fleiri fréttir

Sjá meira


×

Mest lesið