Úr­slitin ráðast á svellinu: „Ráðum í raun ekkert við það sem er að fara að gerast“

Eftir viðburðarríka Extra-leika og eftirminnileg tilþrif í hinum ýmsu íþróttagreinum eru þeir Andri og Tómas jafnir að stigum. Þeir hafa unnið sitt hvorar ellefu greinarnar.

Komið er að oddagrein en kapparnir reyna nú fyrir sér í skautahlaupi.

„Ég er bara mjög stressaður,“ sagði Tómas þegar Stefán Árni Pálsson tók hann tali á svellinu í Egilshöll. Andri var svo á heimspekilegu nótunum fyrir keppnina.

„Sá sem vinnur þetta er ekkert endilega betri. Við ráðum í raun ekkert við það sem er að fara að gerast,“ sagði Andri.

„Ég held að hvorugur okkar muni standa uppi sem einhvers konar sigurvegari eftir þessa grein,“ bætti Tómas við.

Stiklu fyrir skautahlaup þeirra Andra og Tómasar má sjá í spilaranum hér fyrir ofan.

Lokaþáttur Bónus Körfuboltakvölds Extra verður sýndur klukkan 21:25 á Sýn Sport Ísland.