Settur á bekkinn fyrir að mæta seint en lagði síðan upp sigur­markið

Öllum að óvörum var Alexander-Arnold ekki í byrjunarliði Real Madrid í gær en hann hefur verið lykilmaður í liðinu síðan Alvaro Arbeloa tók við þjálfarastarfinu. Hinn reynslumikli Dani Carjaval stillti sér upp í hægri bakvarðarstöðunni.

Ástæðan er sú að Alexander-Arnold mætti seint á æfingu í vikunni. Arbeloa er sagður hafa tekið ákvörðunina hiklaust, líkt og Hansi Flick, þjálfari Barcelona, hefur margoft gert áður.

Alexander-Arnold átti hins vegar eftir að bæta upp fyrir seinkomuna. Hann kom inn af varamannabekknum á 64. mínútu og átti stoðsendinguna sem leiddi að sigurmarki Vinicius Jr. í 3-2 sigrinum gegn Atlético.

Alexander-Arnold minnti þannig vel á sig, bæði gagnvart þjálfara Real Madrid en einnig þjálfara enska landsliðsins, Tomas Tuchel, sem valdi hann ekki í 35 manna leikmannahóp fyrir helgi.