Alisson ekki með gegn Galatasaray en meiðslin ekki al­var­leg

Á blaðamannafundi í gær sagði Arne Slot, knattspyrnustjóri Liverpool, að Alisson hefði fundið fyrir eymslum á æfingu og í samráði við læknateymi liðsins hefði verið ákveðið að hann færi ekki með til Istanbúl.

Að sögn Slot eru meiðslin þó ekki alvarleg og hann er bjartsýnn á að geta nýtt krafta Alissons í leiknum gegn Tottenham í ensku úrvalsdeildinni um helgina.

Georgíumaðurinn Giorgi Mamardashvili mun standa á milli stanganna hjá Liverpool gegn Galatasaray í kvöld. Hann hefur spilað ellefu leiki á þessu tímabili.

Ítalski kantmaðurinn Federico Chiesa fór heldur ekki með Liverpool-liðinu til Tyrklands vegna veikinda.

Leikur Galatasaray og Liverpool hefst klukkan 17:45 í kvöld og verður sýndur beint á Sýn Sport Viaplay.