Skaga­menn enduðu sigur­göngu Vals­manna í Lengjubikarnum

Valsmenn voru búnir að vinna tvo fyrstu leiki sína í keppninni en með þessum sigri er Skagaliðið komið með tíu stig af fimmtán mögulegum. Þeir eru í öðru sæti á eftir Þór, sem hefur líka tíu stig en er með miklu betri markatölu.

Öll þrjú mörkin í leiknum komu í fyrri hálfleiknum en Skagamenn voru komnir í 2-0 eftir 28 mínútna leik.

Baldvin Þór Berndsen skoraði fyrst á 10. mínútu og Viktor Jónsson bætti við öðru marki á 28. mínútu.

Tryggvi Hrafn Haraldsson, uppalinn Skagamaður, minnkaði muninn fyrir Valsmenn á 39. mínútu en fleiri mörk voru ekki skoruð.