Fótbolti

Nasistakveðja í skugga kynþáttaníðs

Valur Páll Eiríksson skrifar
Vinicius skoraði sigurmark Real Madrid í gær, rétt eins og hann gerði í Lissabon viku fyrr.
Vinicius skoraði sigurmark Real Madrid í gær, rétt eins og hann gerði í Lissabon viku fyrr. Angel Martinez/Getty Images

Real Madrid rannsakar áhorfanda á leik liðsins við Benfica í Meistaradeild Evrópu í gær sem var rekinn úr stúkunni fyrir meinta nasistakveðju.

Rétt fyrir upphafsspark leiksins virtist sem einn áhorfandi á vellinum hafi reist aðra höndina að nasista sið er myndavélar sýndu yfir stúkuna. Snarlega voru kennsl borin á viðkomandi og honum gert að yfirgefa völlinn.

Real Madrid vann leikinn 2-1 og einvígið samanlagt 3-1 eftir 1-0 sigur í fyrri leiknum í Lissabon.

Sá fyrri leikur var umvafinn deilum vegna meints kynþáttaníðs Gianluca Prestianni, leikmanns Benfica, í garð Vinicius Junior, leikmanns Real Madrid. Leikurinn var stöðvaður í um tíu mínútur eftir ásökun Vinicius í garð Prestianni.

Sá argentínski var dæmdur í tímabundið eins leiks keppnisbann og fékk ekki að leika með Benfica í leik gærkvöldsins af þeim sökum. Mál hans er enn til frekari rannsóknar hjá UEFA.

Við það bætist við rannsókn vegna atviks gærkvöldsins sem Real Madrid er með til skoðunar innan félagsins.

Meistaradeild Evrópu í fótbolta karla Spænski boltinn Portúgalski boltinn Kynþáttafordómar Real Madrid CF

Tengdar fréttir

Sjáðu mörkin, rauðu spjöldin og takka í höfði á ögur­stundu

Real Madrid, PSG, Atalanta og Galatasaray hirtu í gærkvöld síðustu fjögur sætin í 16-liða úrslitum Meistaradeildar Evrópu í fótbolta. Nóg var af mörkum, rauðum spjöldum og dramatík í leikjunum í gær eins og sjá má í klippum á Vísi.

Vinícius Júnior tryggði Real Madrid aftur sigurinn

Vinícius Júnior tryggði Real Madrid sigur á Benfica í kvöld alveg eins og hann gerði í fyrri leiknum. Real Madrid tryggði sér sæti í sextán liða úrslitum Meistaradeildarinnar eftir 2-1 sigur Benfica á Bernabeu-leikvanginum í kvöld.

Prestianni æfði á Bernabeu þrátt fyrir bannið

Gianluca Prestianni, leikmaður Benfica, má að öllum líkindum ekki taka þátt í seinni leik liðsins á móti Real Madrid í umspili um sæti í sextán liða úrslitum Meistaradeildarinnar.

„Mér býður við þessu, satt best að segja“

Liam Rosenior, knattspyrnustjóri Chelsea, ræddi kynþáttafordóma í fótbolta á blaðamannafundi sínum en hann var spurður út í atvikið þegar Vinicius Junior, leikmaður Real Madrid, varð fyrir meintu kynþáttaníði í Meistaradeildinni í vikunni og hann gaf afdráttarlaust svar.

Segist ekki hafa kallað Vinicius apa og Benfica bakkar hann upp

Gianluca Prestianni stendur frammi fyrir ásökunum um rasisma í garð Vinicius Jr. í 0-1 tapi Benfica gegn Real Madrid í Meistaradeildinni í gærkvöld. Vinicius segir hann hafa kallað sig apa en Prestianni segir þetta allt saman einn stóran misskilning og Benfica stendur með honum.

Mest lesið


Fleiri fréttir

Sjá meira


×

Mest lesið