Tyson Fury telur sig ekki þurfa þjálfara í endurkomunni

Tvöfaldi heimsmeistarinn í þungavigt mun snúa aftur úr keppnishléi þann 11. apríl eftir árs fjarveru frá hnefaleikum.

Bandaríski þjálfarinn SugarHill Steward hefur þjálfað Fury frá árinu 2019, hjálpað honum að endurheimta WBC-heimsmeistaratitilinn og þjálfað hann í tveimur ósigrum gegn Oleksandr Usyk.

Í samtali við hlaðvarpið 5 Live Boxing með Steve Bunce sagði Fury að hann myndi „gera allt“ sjálfur fyrir æfingabúðir endurkomunnar.

„Ég þarf engan þjálfara, engan næringarfræðing, engan hugarþjálfara, engan svefnþjálfara og ég þarf svo sannarlega engan styrktarþjálfara,“ sagði Tyson Fury.

„Þetta er það sem ég þarf í hnefaleikum – einhvern til að skola tannhlífina mína og gefa mér vatn á milli lota, og smyrja smá vaselíni yfir augun á mér og láta mig svo um restina,“ sagði Fury.

„Ég er með doktorsgráðu í hnefaleikum,“ sagði Fury.

Fury hætti eftir tvo ósigra í röð gegn fyrrverandi óumdeildum þungavigtarmeistara, Usyk.

Hinn 37 ára gamli, sem hefur unnið 34 af 37 bardögum, þar af einn með jafntefli, var í sínu gamla góða formi á fyrsta blaðamannafundi sínum síðan hann tilkynnti um endurkomu sína á þriðjudag í London.

Hann kitlaði andstæðing sinn, Makhmudov, þegar þeir stóðu augliti til auglitis og sagðist vilja „gera hnefaleika frábæra á ný“.

Fury ætlar sér að vinna heimsmeistaratitil í endurkomunni og vísaði á bug fullyrðingum um að hann gæti átt í erfiðleikum með að selja sextíu þúsund miða á Tottenham Hotspur-leikvanginn ásamt hinum óþekkta Makhmudov.

Bardagakappinn frá Morecambe var í tvö og hálft ár fjarri hringnum á þrítugsaldri vegna lyfjabanns og andlegra veikinda, en sneri aftur árið 2018 eftir að hafa misst yfir 50 kíló og varð aftur heimsmeistari árið 2020.

„Ég er 37 ára gamall og hef verið óvirkur í 16 mánuði, sem er gríðarlega stór þáttur,“ sagði Fury.

„Ég gerði þetta áður eftir þriggja ára fjarveru úr hringnum en þá var ég bara 29 ára. Nú er ég eldri maður, ellilífeyrisþegi í raun,“ sagði Fury.

Hann bætti við: „Ég kem með X-faktorinn í þennan leik og það er enginn annar á lífi í dag sem getur komið með meiri X-faktor í hnefaleika en Tyson Fury.“