Orri: Það bara kviknaði á mér

„Vorum ekki sáttir með tapið um helgina. Það var eins gott að við komum til baka. Við getum ekki hangsað við það að hafa tapað. Við höldum áfram á sprettinum í deildinni og reynum að halda því áfram.“

Stjarnan skorar ótrúlega mikið, nærrum því 105 stig að meðaltali í leik, og þannig lagað kafsigla liðin. 

„Við erum alveg fljótir og ef við hittum eins og við hittum í dag þá er erfitt að halda í við okkur. Aðalvandamálið hjá okkur er vörnin, þeir skora líka yfir 100 stig í dag. Það er eitthvað sem við þurfum að bæta.“

Eins og skoraði Orri 26 stig og gaf fjórar stoðsendingar. Hvernig leið honum komandi inn í þennan leik.

„Ég hitti ekki mikið í byrjun en náði einbeitingunni aftur eftir smá bekkjarsetu og það bara kviknaði á mér. Þetta var bara góður leikur hjá mér.“

Gætu Stjörnumenn sópað upp restinni af leikjunum?

„Við förum í alla leiki til að vinna. Auðvitað reynum við að vinna alla leiki sem við getum. Allir leikir eru erfiðir en öll liðin eru góð í þessari deild.“

Hvað taka Stjörnumenn út úr þessum leik?

„Bara að vera með forskotið. Svona yfir allan leikinn. Þeir hótuðu að komast nær okkur en við héldum þeim í 10-15 stigum frá okkur í helvíti langan tíma. Ég tek það jákvætt út úr þessu.“