Sport

Búast við yfir tuttugu og sex milljón meldingum um veikindi

Aron Guðmundsson skrifar
Þessi stuðningsmaður New England Patriots verður væntanlega í góðu stuði þegar að leikurinn um Ofurskálina hefst á sunnudaginn en verður hann jafn kátur í leikslok? Mun hann hringja sig inn veikann á mánudaginn? Stóru spurningarnar sem fást ekki svör við strax
Þessi stuðningsmaður New England Patriots verður væntanlega í góðu stuði þegar að leikurinn um Ofurskálina hefst á sunnudaginn en verður hann jafn kátur í leikslok? Mun hann hringja sig inn veikann á mánudaginn? Stóru spurningarnar sem fást ekki svör við strax Vísir/Getty

Búist er við því að yfir 26 milljón manns til­kynni vinnu­veit­endum sínum að þeir séu veikir á mánu­daginn kemur í Bandaríkjunum, degi eftir að leikurinn um Ofur­skálina í Bandaríkjunum fer fram.

Þetta kemur fram í ár­legri spá sem UKG í Bandaríkjunum fram­kvæmir en ef hún rætist verður um met að ræða. Nú­gildandi met var sett á síðasta ári þegar að um 22.6 milljónir manns hringdu sig inn veika á mánu­deginum eftir Ofur­skálina, mánu­dagur sem hefur fengið viður­nefnið: Ofur veikinda mánu­dagurinn í Bandaríkjunum.

Tals­maður UKG segir í sam­tali við Reu­ters frétta­veituna að stofnun sé með þessari spá sinni ekki vera að hvetja til þess að þessu um­ræddur mánu­dagur verði gerður að frí­degi í Bandaríkjunum.

Vinnu­veit­endur ættu hins vegar að búa sig undir að vinnu­fram­lag þeirra starfs­manna gæti verið minna en vana­lega.

Það eru lið New Eng­land Pat­riots og Seatt­le Sea­hawks sem mætast í úr­slita­leik NFL deildarinnar í þetta skipti þar sem keppt verður um Ofur­skálina. Leikurinn verður í beinni út­sendingu á Sýn Sport og hefst upp­hitun klukkan tíu á sunnu­dagskvöld.

Ofurskálin NFL

Tengdar fréttir

„Spennið núna beltin áhorfendur góðir, þetta er svakalegt“

Lokasóknin hitaði upp fyrir Super Bowl-leikinn á sunnudaginn. Eftir viðburðarríkt tímabil í NFL-deildinni var nóg að taka af stórbrotnum tilþrifum og þau fengu að sjálfsögðu sína klippu nú þegar aðeins einn leikur er eftir af tímabilinu.

„Þetta er alveg ótrú­legur grís“

Strákarnir í Lokasókninni tóku saman öll bestu grip tímabilsins í NFL-deildinni í uppgjöri sínu fyrir stærsta leik ársins, Super Bowl á sunnudaginn, og óhætt að segja að þar sjáist stórkostleg tilþrif.

Mest lesið


Fleiri fréttir

Sjá meira


×

Mest lesið