Tveir hand­teknir í tengslum við and­lát í Vest­manna­eyjum

Þetta staðfestir Jón Gunnar Þórhallsson, yfirlögregluþjónn lögreglunnar á Suðurlandi, en mbl greindi fyrst frá.

„Við erum með til rannsóknar andlát í Vestmannaeyjum á sjúkrastofnun og við erum með tvo sakborninga í haldi. Skýrslutökur eru í gangi,“ segir Jón Gunnar.

Hann gat ekki veitt upplýsingar um sakborningana né hinn látna en staðfestir að tveir voru handteknir í dag.

Mbl segist hafa heimildir fyrir því að um tvo starfsmenn hjúkrunarheimilis sé að ræða og að þeir séu grunaðir um að eiga sök að andlátinu. Annar þeirra á að vera hjúkrunarfræðingar og beinist rannsóknin að því hvort lyfjagjöf hafi leitt til andlátsins.

Athugið að fréttin hefur verið uppfærð eftir að mbl leiðrétti sína frétt. Áður hafði verið greint frá því að málið varðaði Heilbrigðisstofnun Suðurlands en um hjúkrunarheimili er að ræða. Hins vegar er rétt að geta þess að HSU rekur hjúkrunarheimilið Hraunbúðir í Vestmannaeyjum.

Díana Óskarsdóttir, forstjóri Heilbrigðisstofnunar Suðurlands, vildi ekki tjá sig um málið þegar Vísir hafði samband.