Sam­þykktu stofnun stærsta fríverslunar­svæðis í heimi

Samningurinn hlaut bráðabirgðasamþykki þrátt fyrir að Frakkar, Pólverjar, Austurríkismenn, Írar og Ungverjar hefðu lýst andstöðu sinni. Belgar sátu hjá. Aðildarríkin hafa þar til síðdegis til þess að mótmæla samþykktinni.

Evrópusambandið og Mercusor hafa átt í viðræðum um saminginn í aldarfjórðung. Hann virðist loks ætla að líta dagsins ljós eftir að ESB tók til hliðar milljarðra evra til þess að aðstoða evrópska bændur sem óttast að missa spón úr aski sínum vegna innflutning á landbúnaðarvörum frá Suður-Ameríku.

Aðildarríkin samþykktu einnig í dag ákvæði um verndaraðgerðir sem gefa ESB möguleika á að draga úr innflutningi frá Mercosur-ríkjunum ef mikil aukning verður á honum, að sögn dagblaðsins Politico. Þær eru í anda verndaraðgerða sem voru settar á íslenskt járnblendi í fyrra.

Fríverslunarsvæði ESB og Mercosur yrði það stærsta í heimi en um 700 milljónir manns búa á því. Mercosur samanstendur af Brasilíu, Argentínu, Paragvæ, Úrúgvæ og Bólivíu. Venesúela var hluti af bandalaginu en var rekið úr því árið 2016.

EFTA-ríkin, þar á meðal Ísland, skrifuðu undir fríverslunarsamning við Mercosur-ríkin í júlí.

Ursula von der Leyen, forseti framkvæmdastjórnar Evrópusambandsins, er sögð ætla að fljúga til Paragvæ til að skrifa undir fríverslunarsamninginn í næstu viku.