Körfubolti

Fyrst á Ís­landi til að gefa tuttugu stoð­sendingar í einum leik

Óskar Ófeigur Jónsson skrifar
Abby Beeman setti nýtt met í sigurleik Grindavíkur í Garðabænum í gær.
Abby Beeman setti nýtt met í sigurleik Grindavíkur í Garðabænum í gær. Vísir/Anton Brink

Abby Beeman setti í gærkvöldi nýtt stoðsendingamet í efstu deild kvenna í körfubolta og í raun sló hún karlametið líka. Enginn hefur nú gefið fleiri stoðsendingar í efstu deild í körfubolta á Íslandi.

Í fyrsta leiknum á nýju ári þá gaf Beeman 20 stoðsendingar á félaga sína í Grindavíkurliðinu í sextán stiga útisigri á Stjörnunni í Garðabænum, 99-83.

Beeman skoraði sjálf 20 stig og var því með 20+20 tvennu sem er mögnuð tölfræði.

Með þessum tuttugu stoðsendingum bætti hún kvennametið um tvær stoðsendingar og karlametið um eina stoðsendingu.

  • Flestar stoðsendingar í einum leik:
  • 1. Abby Beeman Grindavík 20
  • 2. Brittanny Dinkins Keflavík 18
  • 2. Helena Sverrisdóttir Haukum 18
  • 4. Maddie Sutton Þór Ak 17
  • 4. Brittanny Dinkins Keflavík 17
  • 4. Helena Sverrisdóttir Haukum 17
  • 4. Danielle Rodriguez Stjörnunni 17
  • 4. Reshea Bristol Keflavík 17
  • 4. Jessica Gaspar KFÍ 17

Fyrir leikinn í gær áttu þær Brittanny Dinkins og Helena Sverrisdóttir metið saman en báðar náðu þær að gefa 18 stoðsendingar í einum leik, Helena fyrst með Haukum á móti Grindavík árið 2006 og Dinkins svo með Keflavík á móti Stjörnunni 2017.

Jessica Gaspar og Reshea Bristol áttu metið áður en Helena sló það um eina stoðsendingu fyrir meira en tuttugu árum síðan.

Karlametið er 19 stoðsendingar sem hann gaf fyrir Þór í Þorláksjöfn á móti Keflavík í nóvember 2022 en hann bætti þá næstum því 26 ára gamalt met KR-ingsins David Edwards frá árinu 1996.

Beeman sló metið þegar hún fann Þóreyu Teu Þorleifsdóttur sem setti niður þriggja stiga körfu þegar rúmar tvær mínútur voru eftir af leiknum. Hún átti síðan lokastoðsendingu sína á Ólöfu Rún Óladóttur stuttu síðar.

Beeman átti þessar tuttugu stoðsendingar á sex mismunandi leikmenn eða þær Þóreyju Teu Þorleifsdóttur (5), Ellen Nystrom (4), Farhiya Abdi (4), Isabellu Ósk Sigurðardóttir (3), Ólöfu Rún Óladóttir (2) og Ólöfu Maríu Bergvinsdóttur (2).

Beeman kom alls með beinum hætti að 64 stigum í leiknum, 20 stigum með því að skora sjálfur og 44 stigum að auki í gegnum stoðsendingar sínar.

  • Tuttugu stoðsendingar Abby Beeman á móti Stjörnunni 6. janúar 2026:
  • Fyrsti leikhlutinn (4 stoðsendingar)
  • 1) Á Isabellu Ósk í tveggja stiga skoti
  • 2) Á Isabellu Ósk í tveggja stiga skoti
  • 3) Á Ólöfu Rún í þriggja stiga skoti
  • 4) Á Ólöfu Maríu í þriggja stiga skoti
  • Annar leikhlutinn (2 stoðsendingar)
  • 5) Á Þóreyju Teu í tveggja stiga skoti
  • 6) Á Þóreyju Teu í þriggja stiga skoti
  • Þriðji leikhlutinn (8 stoðsendingar)
  • 7) Á Ellen Nystrom í tveggja stiga skoti
  • 8) Á Farhiya Abdi sem fékk vítaskot og skoraði 1 stig
  • 9) Á Ellen Nystrom sem fékk vítaskot og skoraði 1 stig
  • 10) Á Isabellu Ósk sem fékk vítaskot og skoraði 2 stig
  • 11) Á Ellen Nystrom sem fékk vítaskot og skoraði 2 stig
  • 12) Á Þóreyju Teu í þriggja stiga skoti
  • 13) Á Ólöfu Maríu í tveggja stiga skoti
  • 14) Á Ellen Nystrom í tveggja stiga skoti
  • Fjórði leikhlutinn (6 stoðsendingar)
  • 15) Á Farhiya Abdi í tveggja stiga skoti
  • 16) Á Farhiya Abdi í tveggja stiga skoti
  • 17) Á Þóreyju Teu í þriggja stiga skoti
  • 18) Á Farhiya Abdi í tveggja stiga skoti
  • 19) Á Þóreyju Teu í þriggja stiga skoti
  • 20) Á Ólöfu Rún í tveggja stiga skoti
Bónus-deild kvenna UMF Grindavík

Mest lesið


Fleiri fréttir

Sjá meira


×

Mest lesið