Stuðnings­maður RB Leipzig lést á bikarleiknum í gær­kvöldi

Leipzig sagði frá því á samfélagsmiðlinum X að stuðningsmaðurinn hefði veikst þegar hann kom inn á völlinn og síðar látist á sjúkrahúsi. Atvikið átti sér stað „án utanaðkomandi afskipta,“ sagði félagið. 

„Á þessari stundu færist fótboltinn í bakgrunninn,“ bætti Leipzig við í færslu sinni.

Cottbus sagði að maðurinn hefði hrunið niður á meðan stuðningsmenn útiliðsins voru að koma sér inn á völlinn og látist á leiðinni á sjúkrahús.

Stemningin var hljóðlát á leikvangi Cottbus þar sem stuðningsmenn beggja félaga hættu að hrópa eftir að tilkynnt var um atvikið. Leipzig vann 4-1 og komst áfram í þýska bikarnum.