Dag­skráin í dag: Fót­boltinn í fyrir­rúmi

Dagurinn hefst seinni partinn á Sýn Sport Viaplay, klukkan 16:20, með leik Dortmund og Bayern München í þýska bikarnum þar sem okkar eina sanna Glódís Perla mun væntanlega leiða lið Bayern í hjarta varnarinnar.

Klukkan 18:40 er komið að leik Everton og West Ham í ensku úrvalsdeildinni á Sýn Sport og nánast á sama tíma, klukkan 18:45, eru það Stjarnan og Víkingur sem mætast í Bestu deild karla á Sýn Sport Ísland.

Stúkan er svo á sínum stað eftir leik klukkan 21:20.

Við lokum kvöldinu svo á Sýn Sport Viaplay þar sem viðureign Hurricanes og Panthers í NHL deildinni er á dagskrá klukkan 22:05.