Tveir fluttir á slysa­deild eftir slys við Hval­fjarðargöng

Þetta staðfestir Grétar Stefánsson, aðalvarðstjóri hjá lögreglunni á höfuðborgarsvæðinu, í samtali við fréttastofu.

Flutningabíll og fólksbíll skullu saman á fjórða tímanum og var lokað fyrir umferð um göngin á meðan vinna stóð yfir á vettvangi.

Ekki liggur fyrir hvort um alvarlega áverka sé að ræða hjá þeim sem fluttir voru á slysadeild.

Að sögn Grétars eru miklar skemmdir á fólksbílnum, en í bókun lögreglunnar komi ekki fram hversu margir hafi verið í bílnum.

Fréttin hefur verið uppfærð.