Jaka skilinn eftir og þrettán leik­menn berjast um hin tólf sætin

Jaka fékk íslenskan ríkisborgararétt fyrr í sumar og var valinn í æfingahópinn, sem hefur verið skorinn niður úr sautján leikmönnum í fjórtán og núna úr fjórtán í þrettán leikmann.

Hannes Jónsson, framkvæmdastjóri KKÍ, staðfesti fregnirnar í samtali við Vísi. 

Þeir þrettán sem fara til Portúgal eru eftirtaldir:

• Almar Atlason – USA – 0 landsleikir
• Elvar Már Friðriksson – Anwil Wloclawek, Pólland – 74
• Haukur Helgi Pálsson – Álftanes – 75
• Hilmar Smári Henningsson – Stjarnan – 20
• Jón Axel Guðmundsson – Burgos, Spáni – 35
• Kári Jónsson – Valur – 35
• Kristinn Pálsson – Valur – 37
• Martin Hermannsson – Alba Berlin, Þýskaland – 77
• Orri Gunnarsson – Stjarnan – 11
• Styrmir Snær Þrastarson – Zamora, Spánn – 20
• Sigtryggur Arnar Björnsson – Tindastóll – 37
• Tryggvi Hlinason – Bilbao, Spánn – 69
• Ægir Þór Steinarsson – Stjarnan - 91

Hópurinn er á leiðinni í flugið út og mætir heimamönnum Portúgals og svo Svíþjóð í æfingaleikjum á fimmtudag og föstudag. Flogið verður aftur hingað heim á laugardaginn.

Þann 21. ágúst fara tólf af þessum þrettán leikmönnum svo til Litáen og spila síðasta æfingaleikinn fyrir EuroBasket. Þaðan verður farið beint til Katowice í Póllandi á EuroBasket en þangað verður liðið að vera mætt 25. ágúst.

Fyrsti leikur á EM er við Ísrael þann 28. ágúst.