Fá­rán­leg hegðun á Hlíðar­enda: Plast­glas í höfuð og miðfingur á loft

Zalgiris vann nauman 2-1 sigur á Val í gær, einvígið samanlagt 3-2, og fer því áfram í næstu umferð í forkeppni Sambandsdeildarinnar en Evrópuvegferð Valsmanna lokið í ár.

Einn stuðningsmanna litáíska liðsins tók upp á því að hlaupa yfir til stuðningsmanna Vals með fána undir lok leiks í gær. Hann fékk að launum plastglas í höfuðið.

Hann launaði það með löngutöng á loft, hélt svo áfram að flagga fánanum og rak hann í höfuð barns. Hann bað barnið afsökunar áður en fánanum var flaggað einu sinni til og miðfingurinn var þá reistur aftur á loft í átt að Valsmönnum í stúkunni.

Þessa stórfurðulegu atburðarrás má sjá í spilaranum.