Unaðsvörur Harry Styles valda titringi

Útgáfan ber heitið „Pleasing Yourself“ sem má íslenska sem „Gerðu vel við sjálfan þig“ eru skrauthvörf yfir sjálfsfróun. Þó er aðeins um tvær vörur að ræða: bleikan og vínrauðan titrara og sleipiefni í stíl.

Á vefsíðunni segir að titrarinn sé „fagurfræðilega sér á parti“ og sleipiefnið veiti „langvarandi raka og silkimjúku skriði með engu glýseríni“.

Harry Styles, sem er þekktastur fyrir veru sína í strákabandinu One Direction og síðar eigin sólóferil, stofnaði fyrirtækið Pleasing árið 2021 og bauð þá upp á kynhlutlaust naglalakk, húðvörur, ilmvötn og tískuföt. Nú hafa unaðsvörurnar bæst og spurning í hvaða átt verður farið næst.

Verslunin The Pleasing Pleasure Shop opnaði í gær í New York þar sem áhugasamir geta verslað sér vörurnar á staðnum en vörurnar eru einungis sendar til Bandaríkjanna og Bretlands.

Fræga fólkið hefur verið fyrirferðarmikið í fegurðarbransanum síðustu ár, þar má nefna Rihönnu með Fenty Beauty og Hailey Bieber með Rhode. En fleiri og fleiri hafa verið að færa sig yfir í unaðsbransann. 

Fyrirsætan Cara Delavigne gekk til lið við kynlífstækjaframleiðandann Lora DiCarlo sem meðeigandi árið 2020, tónlistarkonan Lily Allen gaf út eigin titrara hjá þýska fyrirtækinu Womanizer í fyrra og leikkonan Dakota Johnson tók nýlega við sem listrænn stjórnandi hjá unaðsvörufyrirtækinu Maude.

Styles hefur bæst við flóruna og er það kannski til marks um að frægir gaurar séu á leið út í unaðsbransann.