Vinna með lög­reglunni eftir að Carter varð fyrir kynþáttaníð

Carter hefur greint frá því að hún ætli að taka sér hlé frá samfélagsmiðlum á meðan málið gengur yfir og liðsfélagar hennar ætla að hætta að krjúpa á hné fyrir leiki. Þær segja að fótboltayfirvöld þurfi að finna aðra og betri leið til að takast á við kynþáttafordóma.

Þá hefur enska knattspyrnusambandið sagt að það sé að vinna með lögreglunni til að „ganga úr skugga um að þau sem beri ábyrgð á þessum hatursglæp verði dregnir fyrir rétt.“

„Frá því að mótið hófst hef ég þurft að þola mikla kynþáttafordóma,“ sagði Carter um málið.

„Ég veit að allir stuðningsmenn eiga rétt á sinni skoðun um úrslit og það hvernig liðið og leikmenn standa sig, en mér finnst ekki í lagi að ráðast á útlit eða kynþátt einstaklinga.“