Ronaldo semur um að spila til 42 ára aldurs

Það var orðið ljóst að Ronaldo yrði áfram hjá Al-Nassr og spurningin aðeins hvort að samningur hans yrði til eins eða tveggja ára. 

Portúgalinn birti svo mynd af sér í dag með treyju sem sýndi að samingurinn er til sumarsins 2027. „Nýr kafli hefst. Sama ástríðan, sami draumurinn. Við skulum skrá söguna saman,“ skrifaði hann með myndinni.

Ronaldo varð fertugur í febrúar en virðist greinilega að spila áfram til 42 ára aldurs, þó að sumir hafi talið að hann myndi leggja skóna á hilluna eftir HM í Ameríku á næsta ári.

Mikið hafði verið rætt um framtíð Ronaldo í aðdraganda heimsmeistarakeppni félagsliða sem nú stendur yfir í tengslum við það hvort Ronaldo myndi skipta yfir til félags sem tekur þátt á mótinu. Ekkert varð hins vegar úr því.

Ronaldo kom til Al-Nassr snemma árs 2023, frá Manchester United, og varð markahæstur í sádiarabísku deildinni á síðustu liektíð með 25 mörk. Al-Nassr endaði hins vegar í 3. sæti og hefur ekki unnið stóran titil frá því að Ronaldo kom.

Ljóst er að Ronaldo mun leika undir stjórn nýs þjálfara á næstu leiktíð því Stefano Pioli mun ekki halda áfram með Al-Nassr.