Verðug verk­efni bíða Breiða­bliks og Vals í Meistara­deildinni

Breiðablik mun mæta sigurvegaranum úr riðli fimm í fyrstu umferðinni en þrjú lið af fjórum í þeim riðli er nú þegar ljós en um er að ræða lið Cardiff City frá Wales, Athlone Town AFC frá Írlandi og ZNK Agram frá Króatíu, auk eins annars liðs sem á eftir að koma í ljós hvert er.

Breiðablik mun mæta sigurvegara þessa riðils í undanúrslitum í riðli sex í annarri umferðinni, vinni þær þann leik mun liðið mæta sigurvegaranum í hinum undanúrslitaleik riðilsins þar sem mætast FC Twente frá Hollandi og Rauða Stjarnan frá Serbíu. Undanúrslitaleikur Breiðabliks fer fram þann 27.ágúst. Sigurvegari riðilsins fer áfram í þriðju umferð, liðið sem tapar úrslitaleiknum fer í 2.umferð forkeppni Evrópubikarsins á meðan að liðið í þriðja sæti færist niður í fyrstu umferð Evrópubikarsins.

Valskonur munu mæta liði Sporting Braga frá Portúgal í undanúrslitaleik í annarri umferðinni og beri þær sigur úr býtum þar tekur við leikur gegn annað hvort norska liðinu Brann eða ítalska stórliðinu Inter Milan. Undanúrslitaleikur Vals fer fram þann 27.ágúst. Sigurvegari riðilsins fer áfram í þriðju umferð en liðið sem tapar úrslitaleiknum fer í 2.umferð í forkeppni Evrópubikarsins.