Lakasta þátt­takan meðal kynsegin fólks

Í talnaefni Hagstofu Íslands sem birt var fyrr í vikunni er hægt að sjá tölfræði yfir þátttöku Íslendinga í liðnum kosningum. Flestar konur greiddu atkvæði eða rúmlega 81 prósent en rúm 79 prósent karla greiddu atkvæði. Alls voru 268.490 manns á kjörskrá sem eru um 68,9 prósent landsmanna, af þeim greiddu 215.395 atkvæði.

Kjörsókn jókst eftir aldri en fæstir karlar á aldrinum tuttugu til 24 ára greiddu atkvæði eða rétt rúm 67 prósent. Konur á sama aldri greiddu einnig fæst atkvæði eða 72,6 prósent.

Aldurshópurinn nýtti kosningarétt sinn mest að greiða atkvæði voru konur á aldrinum 65-69 ára en af þeim greiddu 90,6 prósent atkvæði. Karlar á aldrinum 70-74 voru þar stutt á eftir að 90,3 prósent. Ekki liggja fyrir tölulegar upplýsingar um þátttöku kynsegin fólks eftir aldri.

Hlutfallslega greiddu flestir atkvæði í Norðvesturkjördæmi, eða 82,2 prósent og í Suðvesturkjördæmi eða 81,7 prósent. Fæstir kusu í kjördæmum Reykjavíkur, 79 prósent í syðra og 78,8 prósent í nyrðra.

Kosningaþátttaka Íslendinga hækkar einungis um 0,1 prósentustig á milli kosninga, úr 80,1 í 80,2. Frá árinu 1953 var lægsta kosningaþátttakan árið 2016 þegar 79,2 prósent greiddu atkvæði. Þátttakan var mest árið 1967 þegar 91,4 prósent greiddu atkvæði. Kosningaþátttakan hefur ekki farið yfir níutíu prósent frá árinu 1987.