Stanley-bikar íshokkísins elskar Flórída

Panthers tryggði sér titilinn með 5-1 stórsigri á Edmonton Oilers í sjötta leik liðanna og vann því úrslitaeinvígið 4-2.

Edmonton Oilers vann fyrsta leikinn í úrslitaeinvíginu og jafnaði metin síðan í 2-2. Panthers komst 3-2 yfir í einvíginu með 5-2 sigri í fimmta leiknum á útivelli og tryggði sér svo titilinn á heimavelli sínum í leik sex.

Sam Reinhart var maður kvöldsins því hann skoraði fjögur mörk í leiknum. Hann er fyrsti leikmaðurinn frá árinu 1957 til að ná þrennu í úrslitaeinvíginu. Reinhart var þó ekki valinn mikilvægasti leikmaður úrslitaeinvígsins heldur nafni hans og liðsfélagi Sam Bennett.

Menn tengja kannski ekki Flórídaskagann við íshokkí en þar hafa samt fjórir af síðustu sex meistaratitlum bandaríska íshokkísins endað því Tampa Bay Lightning vann 2020 og 2021.

Inn á milli unnu Colorado Avalanche (2022) og Vegas Golden Knights (2023).