Sex ára fangelsi fyrir á­rás á fyrr­verandi sam­býlis­konu

Austurfrétt greinir frá niðurstöðu dómsins.

Jón Þór var ákærður fyrir tilraun til manndráps með því að hafa veist að konunni með litlum járnkarli, reynt að stinga hana og síðan kyrkja. Hann var jafnframt ákærður fyrir húsbrot og kynferðislega áreitni á sama heimili fáeinum dögum fyrir árásina.

Hann var einnig ákærður fyrir árás á annan íbúa á Vopnafirði í nóvember sama ár og fyrir brot á vopnalögum, en skotvopn fundust á heimili hans sem hvorki voru skráð né rétt geymd. Samkvæmt dómi verða öll vopnin gerð upptæk – þar á meðal átta haglabyssur, fjórir rifflar, einn afsagaður riffill, kindabyssa og fjöldi skotfæra.

Jón Þór var dæmdur til að greiða fyrrverandi sambýliskonu sinni 3,1 milljón króna í miskabætur og rúmlega 15 milljónir í sakarkostnað. Frá refsingu dregst sá tími sem hann hefur setið í gæsluvarðhaldi frá því í október í fyrra. Dómurinn hefur ekki verið birtur á vef Héraðsdóms Austurlands.