Þykja skugga­lega lík Fleetwood Mac

Finneas, sem er 27 ára gamall, hefur unnið tónlist með systur sinni frá því hún var unglingur. Lögin eru mörg hver með hundruði milljóna spilanna á streymisveitunni Spotify en samhliða þessu stóra verkefni hefur Finneas unnið að eigin efni. 

„Við stofnuðum hljómsveit sem heitir The Favors. Fyrsta breiðskífan okkar The Dream kemur út 19. september næstkomandi,“ skrifar Finneas á Instagram og bætir við að fyrsta lagið komi út núna á föstudaginn 6. júní. 

„Það fór gríðarlega mikil ástríða í það að gera þessa tónlist í leyni og við getum ekki beðið eftir að koma henni til ykkar.“

Finneas tók sömuleiðis fram að hann gæti ekki verið stoltari af verkefninu. 

Við Ashe höfum verið að vinna að þessu af fullum krafti síðastliðna átján mánuði og ég meina það innilega þegar ég segi að ég gæti ekki fundið fyrir meira stolti. David Marinelli er á trommum og Ricky Gourmet á gítar. Ég elska að vera í hljómsveit.“

Í athugasemdum við færsluna bæði á Instagram og Facebook leynir það sér ekki að aðdáendum þykir hljómsveitin minna skuggalega mikið á Fleetwood Mac en Finneas og Ashe sækja innblástur í sjöunda áratugs stílinn. 

„Velkomin til baka Fleetwood Mac,“ skrifar einn notandi og annar skrifar: „Ég veit ekki hver þarf að heyra þetta en nei, þú ert ekki fyrsta manneskjan til að taka eftir innblæstrinum frá Fleetwood Mac.“