Innlent

Sveitastjóraskipti í Reyk­hóla­hreppi

Silja Rún Sigurbjörnsdóttir skrifar
Ólafur Þór Ólafsson, verðandi sveitarstjóri Reykhólahrepps.
Ólafur Þór Ólafsson, verðandi sveitarstjóri Reykhólahrepps. Aðsend

Ingibjörg Birna Erlingsdóttir hefur sagt af sér sem sveitarstjóri Reykhólahrepps og lætur af störfum í júní. Ólafur Þór Ólafsson hefur verið ráðinn í hennar stað.

Ingibjörg Birna tók fyrst við starfinu árið 2010 þar til í ágúst 2018. Hún tók svo aftur við sem sveitarstjóri í maí 2020. Í tilkynningu frá Reykhólahreppi er ástæðan sú að Ingibjörg „hefur nú ákveðið að hverfi til annarra starfa.“ 

Ingibjörg Birna óskaði eftir starfslokum þann 9. apríl síðastliðinn en lætur formlega af störfum þann 16. júní.

Ólafur Þór, verðandi sveitarstjóri, hefur áður sinnt stöðu sveitarstjóra en þá í Tálknafjarðarhreppi árin 2020 til 2024. Á fundi sveitarstjórnarinnar í dag var ákveðið að ganga til samninga við Ólaf sem byrjar í hálfu starfi en tekur við fullu starfi 1. ágúst næstkomandi.

Reykhólahreppur Vistaskipti

Mest lesið


Fleiri fréttir

Sjá meira


×

Mest lesið