Aðal gellur landsins saman í epískri hesta­ferð

Meðal kvennanna voru Áslaug Arna þingmaður Sjálfstæðisflokksins, Þorgerður Katrín formaður Viðreisnar og utanríkisráðherra, vörumerkjastjórinn og plötusnúðurinn Sóley Kristjánsdóttir, leikkonurnar Nína Dögg og Svandís Dóra, markaðsstjórinn Katrín Sigríður, fréttakonan Telma Tómasson, viðskiptaskvísan Ragnheiður Theodórsdóttir og Rósa Líf dýraverndunarsinni og læknir. 

Skvísurnar voru duglegar að birta myndir af fjörinu á samfélagsmiðlum og það væsti sannarlega ekki um þær. Kokkar frá Hosiló framreiddu dýrindis veitingar og gleðin náði hámarki með hlöðutónleikum. Áslaug Arna birti færslu á Instagram með skemmtilegum myndum þar sem hún skrifar: „Þegar hestakonur koma saman þá er gaman“.