Ofurskvísur eins klæddar á ofurskvísuæfingu

Gestir gæddu sér á rauðrófulatte og hollum kræsingum áður en þær tóku kröftuga æfingu undir stjórn Gerðu Jónsdóttur, þjálfara hjá Inshape. Meðal þeirra sem mættu voru Pattra Sryanonge, Sara Snædís, Sunneva Einars, Birgitta Líf, Magnea Björg, Arnhildur Anna, Elísbet Metta, Helga Margrét og Manuela Ósk.

„Það hentar vel að klæðast jarðtónum þegar við jarðtengjum okkur í yoga eða öðrum íþróttum, leggjum inná heilsubankann. Því finnst mér litapalletan hjá Ginu virkilega vel heppnuð. Ég mun sjalf velja að klæðast henni utan æfinga líka því það er mjög tískó að nota svona föt við stórar kápur og strigaskó - lúkk sem ég hef lengi unnið með og fylgjendur mínir vita. Það er smart en líka frábær leið til að geta þá endað daginn á dýnunni eða í göngutúr ef tími gefst í lok dags, án þess að þurfa að skjótast heim og skipta um föt,“ segir Elísabet Gunnarsdóttir, tískudrottning og skipuleggjandi viðburðarins.

Ljósmyndarinn Elísabet Blöndal var á staðnum og fangaði stemninguna.