Fótbolti

Ljóst hver stýrir Sveindísi eftir lands­leikina

Sindri Sverrisson skrifar
Sveindís Jane Jónsdóttir hefur ekki spilað eins mikið og hún hefði kosið með Wolfsburg í vetur.
Sveindís Jane Jónsdóttir hefur ekki spilað eins mikið og hún hefði kosið með Wolfsburg í vetur. Getty/Luciano Lima

Þýska knattspyrnufélagið Wolfsburg, sem Sveindís Jane Jónsdóttir spilar fyrir, hefur fundið tímabundinn arftaka Tommy Stroot sem hætti sem þjálfari kvennaliðs félagsins í vikunni.

Forráðamenn Wolfsburg leituðu ekki langt yfir skammt og réðu Sabrinu Eckhoff, sem var aðstoðarþjálfari liðsins, til að stýra liðinu til bráðabirgða.

Eckhoff er fertug og hefur verið í þjálfarateymi Wolfsburg síðan í júlí 2021. Hún mun njóta aðstoðar sama teymis og verið hefur undir stjórn Stroot.

Það verður svo að koma í ljós hvort að Eckhoff veitir Sveindísi fleiri tækifæri í byrjunarliði en Stroot gerði áður en hann hætti, þegar Wolfsburg hafði misst frá sér öll tækifæri á titli.

Sveindís hefur aðeins verið þrisvar í byrjunarliði í þýsku deildinni í vetur en þrettán sinnum komið inn á sem varamaður. Hún hefur byrjað fimm leiki í Meistaradeildinni en fjórum sinnum komið inn á sem varamaður.

Næst á dagskrá hjá Sveindísi eru hins vegar landsleikirnir við Noreg og Sviss. Ísland mætir Noregi í dag klukkan 16:45 á Þróttarvelli og svo Sviss næsta þriðjudag, á sama tíma og sama stað.




Fleiri fréttir

Sjá meira


×