Sport

Nauðgunardómurinn ó­gildur og Dani Alves er frjáls ferða sinna

Ágúst Orri Arnarson skrifar
Dani Alves var í fyrra dæmdur í fangelsi fyrir að nauðga konu en er nú frjáls ferða sinna.
Dani Alves var í fyrra dæmdur í fangelsi fyrir að nauðga konu en er nú frjáls ferða sinna. David Zorrakino/Europa Press via Getty Images

Nauðgunardómur brasilíska fótboltamannsins Dani Alves var í dag dæmdur ógildur eftir áfrýjun. Alves var dæmdur í fjögurra og hálfs árs fangelsi á síðasta ári, hefur verið laus gegn tryggingu og í farbanni síðan þá, en er nú frjáls ferða sinna.

Alves var handtekinn í ársbyrjun 2023 fyrir að hafa nauðgað konu á skemmtistað á gamlárskvöldi og dæmdur ári síðar.

Nú öðru ári síðar hefur dómurinn verið ógildur eftir áfrýjun sem sagði að upprunalegi dómurinn hafi innihaldið „fjölda staðreyndavillna, eyður í atburðarásinni, ónákvæmar upplýsingar og mótsagnir.“

Hann var leikmaður Pumas UNAM í Mexíkó þegar hann var handtekinn en samningi hans við félagið var rift strax í kjölfarið.

Alves var hluti af einu besta liði sögunnar. Shaun Botterill - FIFA/FIFA via Getty Images

Alves er einn sigursælasti leikmaður sögunnar eftir tíma sinn hjá Sevilla, Barcelona, Juventus, PSG og með brasilíska landsliðinu.

Ekki hefur verið gefið út hvort hann hyggist halda áfram að spila fótbolta en Alves er orðinn 41 árs gamall.

Mál Dani Alves

Mest lesið


Fleiri fréttir

Sjá meira


×

Mest lesið