Brynjólfur í hetjuhlutverkinu í hollenska boltanum

Groningen vann þá 1-0 heimasigur á Fortuna Sittard. Brynjólfur skoraði eina mark leiksins þremur mínútum fyrir leikslok.

Brynjólfur kom inn á sem varamaður á 64. mínútu og sú skipting skipti sköpum fyrir Groningen.

Brynjólfur fékk boltann í teignum og skoraði með hægri fótar skoti fyrir utan markteiginn.

Markið skilaði Groningen upp í níunda sæti deildarinnar. Liðið hefur unnið þrjá sigra og tekið tíu stig af tólf mögulegum í síðustu fjórum leikjum sínum

Þetta var fjórða deildarmark Brynjólfs á leiktíðinni en það fyrsta síðan 18. janúar.

Hann skoraði tvívegis í 2-2 jafntefli við Feyenoord í september en hafði síðan skorað aðeins eitt mark í fimmtán deildarleikjum.