Fótbolti

Karó­lína Lea lagði upp mark í stór­sigri

Óskar Ófeigur Jónsson skrifar
Karólína Lea Vilhjálmsdóttir lagði upp mark í öðrum leiknum í röð.
Karólína Lea Vilhjálmsdóttir lagði upp mark í öðrum leiknum í röð. Getty/Alex Nicodim

Íslenska landsliðskonan Karólína Lea Vilhjálmsdóttir og félagar í Bayer Leverkusen voru í miklu stuði í þýsku kvennadeildinni í dag.

Leverkusen vann þá 6-0 stórsigur á Werder Bremen á heimavelli sínum.

Karólína Lea byrjaði á bekknum en kom inn á sem varamaður á 59. mínútu. Þá var staðan orðið 4-0.

Okkar kona lagði upp fimmta mark síns liðs fyrir Cornelia Kramer. Hún var að gefa stoðsendingu i öðrum leiknum í röð en er með þrjár slíkar á leiktíðinni.

Fyrsta mark Leverkusen var sjálfsmark en hin mörkin skoruðu þær Caroline Kehrer (2), Loreen Bender og Delice Boboy.

Leverkusen er í fjórða sætinu, tveimur stigum á eftir Wolfsburg sem er í sætinu fyrir ofan.

Þýski boltinn

Mest lesið


Fleiri fréttir

Sjá meira


×

Mest lesið