Kastljósið beinist að Guðrúnu Kolbeinn Tumi Daðason skrifar 4. febrúar 2025 15:06 Guðrún Hafsteinsdóttir gegndi embætti dómsmálaráðherra í sautján mánuði áður en Sjálfstæðisflokkurinn sleit ríkisstjórnarsamstarfi við VG og Framsókn. Vísir/Vilhelm Innan við fjórar vikur eru í að fulltrúar á landsfundi Sjálfstæðisflokksins velji sér nýjan formann. Áslaug Arna Sigurbjörnsdóttir ætlar sér formennsku en líklegt að hörð keppni verði milli hennar og Guðrúnar Hafsteinsdóttur. Tíu oddvitar á Suðurlandi skora á hana að bjóða sig fram til formanns. Guðlaugur Þór Þórðarson tilkynnti í Kastljósi Ríkisútvarpsins í gær að hann hygðist ekki bjóða fram krafta sína. Áður hafði Þórdís Kolbrún Reykfjörð Gylfadóttir gert slíkt við sama. Bæði þóttu líkleg til að sækjast eftir formennsku eftir að Bjarni Benediktsson ákvað í upphafi árs að stíga til hliðar á komandi landsfundi. Guðlaugur Þór bauð fram gegn Bjarna Benediktssyni á landsfundinum 2022 en laut í lægra haldi með tæplega fjörutíu prósent atkvæða. Kosningin sýndi þó að bakland Guðlaugs Þórs í flokknum var töluvert. Hann hafði ári fyrr haft betur í hörðum og umtöluðum oddvitaslag við Áslaugu Örnu í Reykjavík í aðdraganda þingkosninganna það ár. Guðlaugur sagði í Kastljósi gærkvöldsins mikilvægt að lægja átakalínur innan flokksins. Átök innan flokksins hefðu skaðað Sjálfstæðisflokkinn. Guðlaugur hafði ekkert gefið uppi um mögulegt framboð ólíkt því sem var með Þórdísi Kolbrúnu. Hún sem varaformaður flokksins hafði endurtekið sagst tilbúin að leiða flokkinn ef og þegar Bjarni hætti sem formaður. Það var því nokkuð óvænt stefnubreyting þegar hún ákvað að gefa ekki kost á sér til formennsku þegar Bjarni steig til hliðar. Ef frá er talinn listamaðurinn Snorri Ásmundsson, sem þrátt fyrir að vera sigurviss á ekki einu sinni víst sæti á fundinum, er Áslaug Arna ein í framboði til formanns. Eina manneskjan sem telja má líklega til að veita henni samkeppni á landsfundinum er Guðrún Hafsteinsdóttir. Guðrún hefur fengið áskoranir frá sjálfstæðisfélögum víða um land undanfarnar vikur og ekki farið leynt með að hún liggi undir feld varðandi ákvörðun sína. Hún sagðist í síðustu viku ætla að gefa sér þann tíma sem hún þyrfti. Ef það er eitthvað sem Sjálfstæðismenn kunna betur en flestir þá er það vinna í kringum kosningar og ljóst að Áslaug Arna er kominn í mikinn framboðsgír. Hún hefur verið gestur á hverju þorrablótinu á fætur öðru í janúar og hennar bakland vinnur hörðum höndum að framboðinu. Þá var hún á flakki um Reykjanesbæ um helgina og tíður gestur á hvers kyns mannamótum. Hún kynnti framboð sitt með pomp og prakt í Sjálfstæðissalnum við Austurvöll á dögunum. Ætli Guðrún að gefa kost á sér til formanns má reikna með tilkynningu þess efnis á allra næstu dögum. Því ætli hún fram þá þarf að fara að smyrja kosningavélarnar til að geta gengið til landsfundar í lok mánaðar fullviss um að vera búin að tryggja sér nægan fjölda atkvæða í baráttunni um formanninn. Vilhjálmur Árnason ritari flokksins hefur staðfest við fréttastofu að hann gefi áfram kost á sér í embættið. Enginn hefur formlega tilkynnt um framboð til varaformanns. Helst hefur verið hvíslað um Jens Garðar Helgason, sem samkvæmt heimildum fréttastofu er meðal dyggra stuðningsmanna Áslaugar Örnu til formanns, og svo Diljá Mist Einarsdóttir sem samkvæmt heimildum fréttastofu horfir frekar til Guðrúnar Hafsteinsdóttur þegar kemur að líklegum formannsslag. Síðdegis í dag barst opinber áskorun frá tíu oddvitum og sveitarstjórnarfulltrúum Sjálfstæðisflokksins úr tólf sveitarfélögum á Suðurlandi sem hveta Guðrúnu til að bjóða sig fram á komandi landsfundi. Nöfn þeirra má sjá að neðan. Gauti Árnason, oddviti í Austur-Skaftafellssýslu Sveinn Hreiðar Jensson, oddviti í Vestur-Skaftafellssýslu Anton Kári Halldórsson, oddviti og sveitarstjóri í Rangárþingi Eystra Eydís Indriðadóttir, sveitastjórnarfulltrúi í Rangárþingi Ytra Jón Bjarnason, oddiviti í Hrunamannahreppi Friðrik Sigurbjörnsson, oddviti í Hveragerði Grétar Ingi Erlendsson, sveitarstjórnarfulltrúi í Ölfusi Bragi Bjarnason, oddviti og bæjarstjóri í Árborg Einar Jón Pálsson, oddviti í Suðurnesjabæ Hjálmar Hallgrímsson, oddviti í Grindavík Björn G. Sæbjörnsson, oddviti í Vogum Margrét Sanders, oddviti í Reykjanesbæ Fréttin var uppfærð með áskorun Sjálfstæðisfólks á Suðurlandi til Guðrúnar. Sjálfstæðisflokkurinn Landsfundur Sjálfstæðisflokksins 2025 Mest lesið Eins og ef einhver myndi hella vatni yfir tölvu Innlent Loka fyrir umferð til að rannsaka banaslys Innlent Umdeildir leikir í sumarbúðum: „Það eru sem betur fer breyttir tímar“ Innlent Fauk í Kristrúnu í fyrirspurnartíma Innlent Keyrir út póst með nauðgunardóm á bakinu Innlent Rúta skíðlogar í Hafnarfirði Innlent Tilkynnt um mann með sverð Innlent Ólafsfjarðarmúla lokað vegna snjóflóðs Innlent „Ég hef aldrei heyrt aðra eins fyrirspurn á ævinni“ Innlent Fyrsta konan sem skipuð er yfirlögregluþjónn Innlent Fleiri fréttir Eins og ef einhver myndi hella vatni yfir tölvu Ólafsfjarðarmúla lokað vegna snjóflóðs Kjartan Atli leiðir Samfylkinguna í Garðabæ Heimsmarkaðsverð í hæstu hæðum, sannir aðdáendur Laufeyjar og harka í ESB umræðum Tilkynnt um mann með sverð Stöðvuðu stút með naglamottu „Ég hef aldrei heyrt aðra eins fyrirspurn á ævinni“ Fyrsta konan sem skipuð er yfirlögregluþjónn Fauk í Kristrúnu í fyrirspurnartíma Loka fyrir umferð til að rannsaka banaslys Umdeildir leikir í sumarbúðum: „Það eru sem betur fer breyttir tímar“ Rúta skíðlogar í Hafnarfirði Neita öll sök í Reykholtsmálinu Pósturinn sendir starfsmanninn í leyfi Óveðrinu slotar í bili og átak í uppbyggingu hjúkrunarheimila Kæra aftur útboð Vestmannaeyjabæjar á líkamsræktarstöð Enginn verði á biðlista eftir hjúkrunarrými eftir þrjú ár Bein útsending: Ný áætlun fyrir uppbyggingu hjúkrunarheimila Flestir telja veikindarétt og starfsöryggi ríkari hjá hinu opinbera Um 500 leituðu skjóls í fjöldahjálparstöð og á hótelum Aldrei séð flóð falla á þessum stað á átján ára ferli Guðmundur Ingi snýr aftur á þing í dag „Mjög mikill fjöldi sem við vorum að taka á móti“ Keyrir út póst með nauðgunardóm á bakinu Hundruð manns í fjöldahjálparstöðvum fyrir norðan: „Það var bara snælduvitlaust veður“ Eldur kviknaði í fjölbýli í Úlfarsárdal Þrír fluttir á slysadeild ofan af Hellisheiðinni eftir tvo árekstra Afturkölluð tilnefning grunsamlegri eftir misvísandi svör Rúta út af og Þingvallavegi lokað Tvö snjóflóð skammt frá byggð í Siglufirði Sjá meira
Guðlaugur Þór Þórðarson tilkynnti í Kastljósi Ríkisútvarpsins í gær að hann hygðist ekki bjóða fram krafta sína. Áður hafði Þórdís Kolbrún Reykfjörð Gylfadóttir gert slíkt við sama. Bæði þóttu líkleg til að sækjast eftir formennsku eftir að Bjarni Benediktsson ákvað í upphafi árs að stíga til hliðar á komandi landsfundi. Guðlaugur Þór bauð fram gegn Bjarna Benediktssyni á landsfundinum 2022 en laut í lægra haldi með tæplega fjörutíu prósent atkvæða. Kosningin sýndi þó að bakland Guðlaugs Þórs í flokknum var töluvert. Hann hafði ári fyrr haft betur í hörðum og umtöluðum oddvitaslag við Áslaugu Örnu í Reykjavík í aðdraganda þingkosninganna það ár. Guðlaugur sagði í Kastljósi gærkvöldsins mikilvægt að lægja átakalínur innan flokksins. Átök innan flokksins hefðu skaðað Sjálfstæðisflokkinn. Guðlaugur hafði ekkert gefið uppi um mögulegt framboð ólíkt því sem var með Þórdísi Kolbrúnu. Hún sem varaformaður flokksins hafði endurtekið sagst tilbúin að leiða flokkinn ef og þegar Bjarni hætti sem formaður. Það var því nokkuð óvænt stefnubreyting þegar hún ákvað að gefa ekki kost á sér til formennsku þegar Bjarni steig til hliðar. Ef frá er talinn listamaðurinn Snorri Ásmundsson, sem þrátt fyrir að vera sigurviss á ekki einu sinni víst sæti á fundinum, er Áslaug Arna ein í framboði til formanns. Eina manneskjan sem telja má líklega til að veita henni samkeppni á landsfundinum er Guðrún Hafsteinsdóttir. Guðrún hefur fengið áskoranir frá sjálfstæðisfélögum víða um land undanfarnar vikur og ekki farið leynt með að hún liggi undir feld varðandi ákvörðun sína. Hún sagðist í síðustu viku ætla að gefa sér þann tíma sem hún þyrfti. Ef það er eitthvað sem Sjálfstæðismenn kunna betur en flestir þá er það vinna í kringum kosningar og ljóst að Áslaug Arna er kominn í mikinn framboðsgír. Hún hefur verið gestur á hverju þorrablótinu á fætur öðru í janúar og hennar bakland vinnur hörðum höndum að framboðinu. Þá var hún á flakki um Reykjanesbæ um helgina og tíður gestur á hvers kyns mannamótum. Hún kynnti framboð sitt með pomp og prakt í Sjálfstæðissalnum við Austurvöll á dögunum. Ætli Guðrún að gefa kost á sér til formanns má reikna með tilkynningu þess efnis á allra næstu dögum. Því ætli hún fram þá þarf að fara að smyrja kosningavélarnar til að geta gengið til landsfundar í lok mánaðar fullviss um að vera búin að tryggja sér nægan fjölda atkvæða í baráttunni um formanninn. Vilhjálmur Árnason ritari flokksins hefur staðfest við fréttastofu að hann gefi áfram kost á sér í embættið. Enginn hefur formlega tilkynnt um framboð til varaformanns. Helst hefur verið hvíslað um Jens Garðar Helgason, sem samkvæmt heimildum fréttastofu er meðal dyggra stuðningsmanna Áslaugar Örnu til formanns, og svo Diljá Mist Einarsdóttir sem samkvæmt heimildum fréttastofu horfir frekar til Guðrúnar Hafsteinsdóttur þegar kemur að líklegum formannsslag. Síðdegis í dag barst opinber áskorun frá tíu oddvitum og sveitarstjórnarfulltrúum Sjálfstæðisflokksins úr tólf sveitarfélögum á Suðurlandi sem hveta Guðrúnu til að bjóða sig fram á komandi landsfundi. Nöfn þeirra má sjá að neðan. Gauti Árnason, oddviti í Austur-Skaftafellssýslu Sveinn Hreiðar Jensson, oddviti í Vestur-Skaftafellssýslu Anton Kári Halldórsson, oddviti og sveitarstjóri í Rangárþingi Eystra Eydís Indriðadóttir, sveitastjórnarfulltrúi í Rangárþingi Ytra Jón Bjarnason, oddiviti í Hrunamannahreppi Friðrik Sigurbjörnsson, oddviti í Hveragerði Grétar Ingi Erlendsson, sveitarstjórnarfulltrúi í Ölfusi Bragi Bjarnason, oddviti og bæjarstjóri í Árborg Einar Jón Pálsson, oddviti í Suðurnesjabæ Hjálmar Hallgrímsson, oddviti í Grindavík Björn G. Sæbjörnsson, oddviti í Vogum Margrét Sanders, oddviti í Reykjanesbæ Fréttin var uppfærð með áskorun Sjálfstæðisfólks á Suðurlandi til Guðrúnar.
Sjálfstæðisflokkurinn Landsfundur Sjálfstæðisflokksins 2025 Mest lesið Eins og ef einhver myndi hella vatni yfir tölvu Innlent Loka fyrir umferð til að rannsaka banaslys Innlent Umdeildir leikir í sumarbúðum: „Það eru sem betur fer breyttir tímar“ Innlent Fauk í Kristrúnu í fyrirspurnartíma Innlent Keyrir út póst með nauðgunardóm á bakinu Innlent Rúta skíðlogar í Hafnarfirði Innlent Tilkynnt um mann með sverð Innlent Ólafsfjarðarmúla lokað vegna snjóflóðs Innlent „Ég hef aldrei heyrt aðra eins fyrirspurn á ævinni“ Innlent Fyrsta konan sem skipuð er yfirlögregluþjónn Innlent Fleiri fréttir Eins og ef einhver myndi hella vatni yfir tölvu Ólafsfjarðarmúla lokað vegna snjóflóðs Kjartan Atli leiðir Samfylkinguna í Garðabæ Heimsmarkaðsverð í hæstu hæðum, sannir aðdáendur Laufeyjar og harka í ESB umræðum Tilkynnt um mann með sverð Stöðvuðu stút með naglamottu „Ég hef aldrei heyrt aðra eins fyrirspurn á ævinni“ Fyrsta konan sem skipuð er yfirlögregluþjónn Fauk í Kristrúnu í fyrirspurnartíma Loka fyrir umferð til að rannsaka banaslys Umdeildir leikir í sumarbúðum: „Það eru sem betur fer breyttir tímar“ Rúta skíðlogar í Hafnarfirði Neita öll sök í Reykholtsmálinu Pósturinn sendir starfsmanninn í leyfi Óveðrinu slotar í bili og átak í uppbyggingu hjúkrunarheimila Kæra aftur útboð Vestmannaeyjabæjar á líkamsræktarstöð Enginn verði á biðlista eftir hjúkrunarrými eftir þrjú ár Bein útsending: Ný áætlun fyrir uppbyggingu hjúkrunarheimila Flestir telja veikindarétt og starfsöryggi ríkari hjá hinu opinbera Um 500 leituðu skjóls í fjöldahjálparstöð og á hótelum Aldrei séð flóð falla á þessum stað á átján ára ferli Guðmundur Ingi snýr aftur á þing í dag „Mjög mikill fjöldi sem við vorum að taka á móti“ Keyrir út póst með nauðgunardóm á bakinu Hundruð manns í fjöldahjálparstöðvum fyrir norðan: „Það var bara snælduvitlaust veður“ Eldur kviknaði í fjölbýli í Úlfarsárdal Þrír fluttir á slysadeild ofan af Hellisheiðinni eftir tvo árekstra Afturkölluð tilnefning grunsamlegri eftir misvísandi svör Rúta út af og Þingvallavegi lokað Tvö snjóflóð skammt frá byggð í Siglufirði Sjá meira