Lífið

Adam Sandler á sýningu Maríu Birtu í Las Vegas

Lovísa Arnardóttir skrifar
María Birta birti mynd af Sandler með leikhópnum.
María Birta birti mynd af Sandler með leikhópnum. Instagram

Adam Sandler leikari heimsótti í gær sirkussýninguna Atomic en María Birta Bjarnadóttir Fox er ein leikara. Í sýningunni er dans, leikur, sirkusatriði og kabarett. Atomic er sýnt í Las Vegas þar sem María Birta hefur verið búsett síðustu ár ásamt eiginmanni sínum, Ella Egilssyni, og börnum þeirra. Í sýningunni hefur hún leikið nunnu og glímukappa. 

María birti mynd af leikhópnum á Instagram-síðunni sinni í dag en hún hefur unnið hjá leikhópnum í meira en fimm ár.

María Birta og Elli opnuðu sig í viðtali síðasta sumar um að þau hefðu gerst fósturforeldrar. „Þetta er eitthvað sem voðalega fáir vita, eiginlega enginn,“ sagði listamaðurinn Elli Egilsson í hlaðvarpsþættinum Tölum um, sem er í umsjón kírópraktorsins Guðmundar Birkis Pálmasonar. Þar ræddi Elli meðal annars um foreldrahlutverkið, listina og lífið í Las Vegas.

Fjölskyldan ber öll saman eftirnafnið Fox en þau tóku upp nafnið þegar þau fengu bandarískan ríkisborgararétt.

Bandaríkin Íslendingar erlendis Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.