Óviðjafnanleg frásögn frá einstökum höfundi Forlagið 11. desember 2024 08:54 Ófeigur Sigurðsson hefur löngu sannað sig sem einn áhugaverðasti rithöfundur á Íslandi samtímans. Nýjasta skáldsaga hans ber heitið Skrípið. Mynd/Gassi. Ófeigur Sigurðsson snýr aftur með nýja og heillandi skáldsögu sem ber heitið Skrípið. Um er að ræða óviðjafnanlega frásögn sem togar Kóvid-samfélagið og samtímann sundur og saman í vel súru gríni, skarpri gagnrýni og djúphugsaðri rómantískri sýn á mátt listarinnar í kaldranalegum og öfgakenndum heimi sem blygðast sín ekki í þeim hamförum sem hann hefur kallað yfir sig. Ófeigur Sigurðsson hefur löngu sannað sig sem einn áhugaverðasti rithöfundur á Íslandi samtímans og í Skrípinu birtist hann lesendum sínum í miklu stuði. Söguþráður skáldsögunnar er frumlegur og skemmtilegur eins og vænta má frá Ófeigi. Ónefndur Vestur-Íslendingur, tónskáld og hljóðfæramógúll, heldur tónleika í Eldborgarsal Hörpu í febrúar árið 2020, þar sem hann beitir nýstárlegri tækni svo hinn látni píanóleikari, bandarísk-rússneski stórmeistari Horowitz, geti endurflutt tónleika frá Ríkistónlistarskólanum í Moskvu árið 1986. Tónleikarnir gera stormandi lukku og tónskáldið leggur drög að tónleikaferðalagi með heilmyndar-Horowitz; hyggst koma við á helstu tónlistarhúsum í Evrópu en enda leikinn í Jerúsalem. Yfirlýst markmið ferðalagsins er að stuðla að friði í heiminum með tónlist og samræðu í anda Barenboim-Said lausnarinnar. Þegar Kóvid-faraldurinn brestur á fara plönin út um þúfur og tónskáldið festist í bikverksmiðju í Borgerhout-hverfinu í Antwerpen í Belgíu. Þar greinir hann frá undirbúningi tónleikanna og aðdraganda, lífi sínu og störfum, æsku og fjölskyldu og fílósóferar í leiðinni um jötna og geimfólk, klassíska tónlist, pöndur og umhverfislist, frið og frelsi, landflutninga og upplausn. „Hugmyndin var nær því að vera hugljómun,“ segir Ófeigur, aðspurður hvernig hugmyndin að bókinni hafi kviknað. „Hún kviknaði þegar ég kynntist fyrir tilviljun gömlu kanadísku tónskáldi sem var strandaglópur í Belgíu. Hann komst ekki heim til sín því hann vildi ekki láta bólusetja sig. Hann talaði um kóvid á hátt sem ég hafði aldrei heyrt áður en hann talaði líka um lífið eftir dauðann. Hann var guðspekingur og fegurðardýrkandi á frjóan og frumlegan hátt en líka dásamlega „svag“ fyrir samsæriskenningum. Hann hafði látið prenta leiðarvísi um lífið eftir dauðann og kenndi mér hvernig ég ætti að haga mér í þeim efnum. Þennan fyrsta fund okkar sátum við í fjóra og hálfan tíma og hann talaði allan tímann. Næstu daga var ég mjög innblásinn og skrifaði upp einræðuna eða fangaði röddina, svo lá þetta í salti í tvö þrjú ár en þá spratt sagan skyndilega fram og úr varð þessi skáldsaga.“ Kóvid-faraldurinn skipar stóran sess í sögunni. Hvernig mótaði hann ritunarferlið og boðskap bókarinnar? „Varðandi boðskap aðalpersónunnar þá telur hann að bólusetningarmenningin eða markaðsstemningin hafa vegið of þungt á móti sjálfræðinu og frelsinu. Stórfyrirtæki heimtuðu bæði líkama og sál þegnanna. Hann hafði viðbjóð á múgæsingunni og skoðanakúguninni í faraldrinum. Honum fannst heimurinn hafa breyst í lögregluríki á einni nóttu og það sem var óhugnanlegt var að allir voru býsna sáttir við það.“ Ófeigur Sigurðsson innan í listaverki eftir James Turrell, sem kemur við sögu í bókinni. Skáldsagan Öræfi sló eftirminnilega í gegn Ófeigur Sigurðsson er fæddur í Reykjavík 1975. Hann stundaði nám við Heimspekideild Háskóla Íslands og lauk BA-prófi þaðan árið 2007. Hann hefur sent frá sér ljóðabækur og skáldsögur sem vakið hafa mikla athygli, hlotið lof lesenda og gagnrýnenda og unnið til virtra verðlauna. Skáldsagan um Jón hlaut Bókmenntaverðlaun Evrópusambandsins árið 2011, fyrst íslenskra skáldverka og skáldsagan Öræfi, hreppti Íslensku bókmenntaverðlaunin 2014. Síðan hefur hann sent frá sér skáldsöguna Heklugjá (2018) og smásagnasafnið Váboða (2020) og á síðasta ári kom skáldsagan Far heimur, far sæll. Segja má að Ófeigur hafi slegið í gegn með skáldsögunni Öræfi. Hún fékk gríðarlega góðar viðtökur, hlaut fyrrnefnd bókmenntaverðlaun og varð metsölubók, flestum að óvörum enda ekkert léttmeti. Bókin er magnaður óður til öræfa landsins og vitnar um djúpa tilfinningu höfundar fyrir íslenskri náttúru og mannlífi gegnum aldirnar, þó sagan sé sprottin úr samtímanum. Þá hafa bækur Ófeigs verið þýddar og gefnar út víða, bæði í Evrópu og í Bandaríkjunum. Ófeigur skrifar ævintýralegan texta þar sem kraftmikil ádeila og fjarstæðukennt grín takast gjarnan á. Hann er frjór höfundur og stílfimur og þekking hans á sögu og bókmenntum skín í gegn í öllum skáldsögum hans, ekki síst í þeirri nýjustu, Skrípinu. Í Skrípinu er mikið gert úr mætti listarinnar í erfiðum heimi. Hvaða hlutverki telur þú listina gegna í samtímanum? „Ég á það sameiginlegt með aðalpersónunni að hafa ofurtrú á persónulegan mátt listarinnar. Hún er samofin friði og þekkingu. Hún er mótvægi við markaðsöfl samtímans sem geta verið mikil skrípi eða gjörningaþokur þar sem við villumst af leið í leit að okkur sjálfum. En skáldsagan fjallar fyrst og fremst um fegurð tónlistarinnar og skipbrot aðalpersónunnar þegar hann missir tökin á sköpunarverki sínu, og þar með sjálfum sér. Hann skapar jú Skrípið en spurningin er, hver skapaði kóvid-skrípið.“ Bókaútgáfa Bókmenntir Jól Mest lesið „Greyið, hann þarf að horfa á mig deyja“ Lífið Hlaupadellan varð að fatamerki: „Ég er giftur götunni“ Tíska og hönnun Ragga Holm og Elma giftu sig Lífið Gervigreindarfyrirsæta í Vogue vekur ugg Tíska og hönnun Krakkatían: Dvergarnir sjö, klukkuturn og plánetur Lífið Unaðsvörur Harry Styles valda titringi Lífið „Það er í raun kraftaverk að hún sé á lífi í dag“ Lífið Vók Ofurmenni slaufað Gagnrýni „Seldist upp í rúturnar nánast jafn snarlega og á tónleikana“ Lífið Líf og fjör í Reykholti í Borgarfirði um helgina á Reykholtshátíð Lífið Fleiri fréttir Vertu hress um verslunarmannahelgina með After Party! Bylgjulestin heimsækir Vaglaskóg Ísland fyrst Norðurlanda með EMotorad rafmagnshjól Er þetta hinn fullkomni pulled pork borgari? Bylgjulestin mætti á Götubitahátíðina - Ilmandi myndaveisla Strumpaður dagur á forsýningu á Strumpum Bylgjulestin og dásamlegur götubiti í Hljómskálagarðinum Kjóstu flottasta garð ársins 2025! „Búið ykkur undir bragðsprengju í munni“ Myndaveisla frá Kótelettunni - Bylgjulestin 2025 Góð ráð fyrir garðinn í sumar „Töluvert álag á líkama sem nálgast sextugt“ Bylgjulestin mætir á Kótelettuna Girnileg pizzaloka sem þú verður að prófa! Myndaveisla frá Írskum dögum - Bylgjulestin 2025 Flottasti garður landsins - taktu þátt! Komu Balmain Hair Couture í Hagkaup fagnað með glæsilegum viðburði Bylgjulestin mætir á Írska daga á Akranesi Kerlingarfjöll: Ævintýri á hálendi Íslands Vann glæsilegan vinning í sumarbókaleik Bylgjunnar og Vísis Girnileg pizza úr smiðju BBQ kóngsins Icewear verður einn af aðalstyrktaraðilum Íslandsmótsins í golfi 2025 Upplifa hótel lúxus í tjaldútilegunni Myndaveisla frá Hafnarfirði - Bylgjulestin 2025 Bylgjulestin mætir á Hjarta Hafnarfjarðar á laugardag Djúsí maísstönglar frá BBQ kónginum Reykjalundur hlýtur alþjóðlega gæðavottun fyrir endurhæfingarþjónustu Myndaveisla frá Hallormsstað - Bylgjulestin 2025 90% þeirra sem upplifa hárlos meðhöndla það ekki - það er þó hægt Bylgjulestin verður í Hallormsstaðaskógi á laugardag Sjá meira
Ófeigur Sigurðsson hefur löngu sannað sig sem einn áhugaverðasti rithöfundur á Íslandi samtímans og í Skrípinu birtist hann lesendum sínum í miklu stuði. Söguþráður skáldsögunnar er frumlegur og skemmtilegur eins og vænta má frá Ófeigi. Ónefndur Vestur-Íslendingur, tónskáld og hljóðfæramógúll, heldur tónleika í Eldborgarsal Hörpu í febrúar árið 2020, þar sem hann beitir nýstárlegri tækni svo hinn látni píanóleikari, bandarísk-rússneski stórmeistari Horowitz, geti endurflutt tónleika frá Ríkistónlistarskólanum í Moskvu árið 1986. Tónleikarnir gera stormandi lukku og tónskáldið leggur drög að tónleikaferðalagi með heilmyndar-Horowitz; hyggst koma við á helstu tónlistarhúsum í Evrópu en enda leikinn í Jerúsalem. Yfirlýst markmið ferðalagsins er að stuðla að friði í heiminum með tónlist og samræðu í anda Barenboim-Said lausnarinnar. Þegar Kóvid-faraldurinn brestur á fara plönin út um þúfur og tónskáldið festist í bikverksmiðju í Borgerhout-hverfinu í Antwerpen í Belgíu. Þar greinir hann frá undirbúningi tónleikanna og aðdraganda, lífi sínu og störfum, æsku og fjölskyldu og fílósóferar í leiðinni um jötna og geimfólk, klassíska tónlist, pöndur og umhverfislist, frið og frelsi, landflutninga og upplausn. „Hugmyndin var nær því að vera hugljómun,“ segir Ófeigur, aðspurður hvernig hugmyndin að bókinni hafi kviknað. „Hún kviknaði þegar ég kynntist fyrir tilviljun gömlu kanadísku tónskáldi sem var strandaglópur í Belgíu. Hann komst ekki heim til sín því hann vildi ekki láta bólusetja sig. Hann talaði um kóvid á hátt sem ég hafði aldrei heyrt áður en hann talaði líka um lífið eftir dauðann. Hann var guðspekingur og fegurðardýrkandi á frjóan og frumlegan hátt en líka dásamlega „svag“ fyrir samsæriskenningum. Hann hafði látið prenta leiðarvísi um lífið eftir dauðann og kenndi mér hvernig ég ætti að haga mér í þeim efnum. Þennan fyrsta fund okkar sátum við í fjóra og hálfan tíma og hann talaði allan tímann. Næstu daga var ég mjög innblásinn og skrifaði upp einræðuna eða fangaði röddina, svo lá þetta í salti í tvö þrjú ár en þá spratt sagan skyndilega fram og úr varð þessi skáldsaga.“ Kóvid-faraldurinn skipar stóran sess í sögunni. Hvernig mótaði hann ritunarferlið og boðskap bókarinnar? „Varðandi boðskap aðalpersónunnar þá telur hann að bólusetningarmenningin eða markaðsstemningin hafa vegið of þungt á móti sjálfræðinu og frelsinu. Stórfyrirtæki heimtuðu bæði líkama og sál þegnanna. Hann hafði viðbjóð á múgæsingunni og skoðanakúguninni í faraldrinum. Honum fannst heimurinn hafa breyst í lögregluríki á einni nóttu og það sem var óhugnanlegt var að allir voru býsna sáttir við það.“ Ófeigur Sigurðsson innan í listaverki eftir James Turrell, sem kemur við sögu í bókinni. Skáldsagan Öræfi sló eftirminnilega í gegn Ófeigur Sigurðsson er fæddur í Reykjavík 1975. Hann stundaði nám við Heimspekideild Háskóla Íslands og lauk BA-prófi þaðan árið 2007. Hann hefur sent frá sér ljóðabækur og skáldsögur sem vakið hafa mikla athygli, hlotið lof lesenda og gagnrýnenda og unnið til virtra verðlauna. Skáldsagan um Jón hlaut Bókmenntaverðlaun Evrópusambandsins árið 2011, fyrst íslenskra skáldverka og skáldsagan Öræfi, hreppti Íslensku bókmenntaverðlaunin 2014. Síðan hefur hann sent frá sér skáldsöguna Heklugjá (2018) og smásagnasafnið Váboða (2020) og á síðasta ári kom skáldsagan Far heimur, far sæll. Segja má að Ófeigur hafi slegið í gegn með skáldsögunni Öræfi. Hún fékk gríðarlega góðar viðtökur, hlaut fyrrnefnd bókmenntaverðlaun og varð metsölubók, flestum að óvörum enda ekkert léttmeti. Bókin er magnaður óður til öræfa landsins og vitnar um djúpa tilfinningu höfundar fyrir íslenskri náttúru og mannlífi gegnum aldirnar, þó sagan sé sprottin úr samtímanum. Þá hafa bækur Ófeigs verið þýddar og gefnar út víða, bæði í Evrópu og í Bandaríkjunum. Ófeigur skrifar ævintýralegan texta þar sem kraftmikil ádeila og fjarstæðukennt grín takast gjarnan á. Hann er frjór höfundur og stílfimur og þekking hans á sögu og bókmenntum skín í gegn í öllum skáldsögum hans, ekki síst í þeirri nýjustu, Skrípinu. Í Skrípinu er mikið gert úr mætti listarinnar í erfiðum heimi. Hvaða hlutverki telur þú listina gegna í samtímanum? „Ég á það sameiginlegt með aðalpersónunni að hafa ofurtrú á persónulegan mátt listarinnar. Hún er samofin friði og þekkingu. Hún er mótvægi við markaðsöfl samtímans sem geta verið mikil skrípi eða gjörningaþokur þar sem við villumst af leið í leit að okkur sjálfum. En skáldsagan fjallar fyrst og fremst um fegurð tónlistarinnar og skipbrot aðalpersónunnar þegar hann missir tökin á sköpunarverki sínu, og þar með sjálfum sér. Hann skapar jú Skrípið en spurningin er, hver skapaði kóvid-skrípið.“
Bókaútgáfa Bókmenntir Jól Mest lesið „Greyið, hann þarf að horfa á mig deyja“ Lífið Hlaupadellan varð að fatamerki: „Ég er giftur götunni“ Tíska og hönnun Ragga Holm og Elma giftu sig Lífið Gervigreindarfyrirsæta í Vogue vekur ugg Tíska og hönnun Krakkatían: Dvergarnir sjö, klukkuturn og plánetur Lífið Unaðsvörur Harry Styles valda titringi Lífið „Það er í raun kraftaverk að hún sé á lífi í dag“ Lífið Vók Ofurmenni slaufað Gagnrýni „Seldist upp í rúturnar nánast jafn snarlega og á tónleikana“ Lífið Líf og fjör í Reykholti í Borgarfirði um helgina á Reykholtshátíð Lífið Fleiri fréttir Vertu hress um verslunarmannahelgina með After Party! Bylgjulestin heimsækir Vaglaskóg Ísland fyrst Norðurlanda með EMotorad rafmagnshjól Er þetta hinn fullkomni pulled pork borgari? Bylgjulestin mætti á Götubitahátíðina - Ilmandi myndaveisla Strumpaður dagur á forsýningu á Strumpum Bylgjulestin og dásamlegur götubiti í Hljómskálagarðinum Kjóstu flottasta garð ársins 2025! „Búið ykkur undir bragðsprengju í munni“ Myndaveisla frá Kótelettunni - Bylgjulestin 2025 Góð ráð fyrir garðinn í sumar „Töluvert álag á líkama sem nálgast sextugt“ Bylgjulestin mætir á Kótelettuna Girnileg pizzaloka sem þú verður að prófa! Myndaveisla frá Írskum dögum - Bylgjulestin 2025 Flottasti garður landsins - taktu þátt! Komu Balmain Hair Couture í Hagkaup fagnað með glæsilegum viðburði Bylgjulestin mætir á Írska daga á Akranesi Kerlingarfjöll: Ævintýri á hálendi Íslands Vann glæsilegan vinning í sumarbókaleik Bylgjunnar og Vísis Girnileg pizza úr smiðju BBQ kóngsins Icewear verður einn af aðalstyrktaraðilum Íslandsmótsins í golfi 2025 Upplifa hótel lúxus í tjaldútilegunni Myndaveisla frá Hafnarfirði - Bylgjulestin 2025 Bylgjulestin mætir á Hjarta Hafnarfjarðar á laugardag Djúsí maísstönglar frá BBQ kónginum Reykjalundur hlýtur alþjóðlega gæðavottun fyrir endurhæfingarþjónustu Myndaveisla frá Hallormsstað - Bylgjulestin 2025 90% þeirra sem upplifa hárlos meðhöndla það ekki - það er þó hægt Bylgjulestin verður í Hallormsstaðaskógi á laugardag Sjá meira