Jarðskjálftinn fannst víða um Kaliforníu og meðal annars alla leið til San Francisco, samkvæmt frétt AP fréttaveitunnar. Þá hafa smærri eftirskjálftar greinst einnig.
Íbúar í norðanverðri Kaliforníu fengu skilaboð í síma sína í kjölfar skjálftans þar sem þeir voru varaðir við mögulegum flóðbylgjum og beðnir um að halda sig frá ströndinni.
Alls búa um 5,3 milljónir manna á svæðinu sem viðvörunin nær til. Þar var sett á gul viðvörun sem er til marks um spár sérfræðina á takmörkuðum skaða, ef flóðbylgjan hefði yfir höfuð raungerst. Viðvörunin var þó felld úr gildi skömmu síðar.
The tsunami Warning is canceled for the coastal areas of California and Oregon. No tsunami danger presently exists for this area. This will be the final U.S. National Tsunami Warning Center message for this event. Refer to https://t.co/npoUHxX900 for more information.
— NWS Tsunami Alerts (@NWS_NTWC) December 5, 2024
Hvort jarðskjálftinn olli miklum skemmdum er enn ekki ljóst.
Blaðamaður LA Times ræddi við eiganda gistiheimilis í Ferndale, sem er bær nærri uppruna jarðskjálftans. Olivia Cobian, eigandinn, sagði gistiheimilið líta út eins og stríðsvöll eftir jarðskjálftann.
Eldstæði hafi hreyfst til í húsinu, sem reist var árið 1895, og það sama eigi við gömul og þung baðkör.
„Þetta er galið,“ sagði Cobian.
Fréttin hefur verið uppfærð.
