Við, hópur ungs fólks í Hafnarfirði, viljum lýsa yfir stuðningi við Rósu Guðbjartsdóttur sem skipar 4. sæti Sjálfstæðisflokksins í Suðvesturkjördæmi. Undir hennar forystu hefur bærinn blómstrað og orðið spennandi staður fyrir ungt fólk til að búa og starfa í.
Á síðustu tíu árum hefur Hafnarfjörður tekið miklum framförum. Öflug uppbygging íbúðar- og atvinnuhúsnæðis hefur aukið aðgengi að húsnæði fyrir ungt fólk. Íþróttamannvirki eins og knatthús, körfuboltahús og reiðhöll hafa verið byggð, og menningar- og viðburðalíf eins og Hjarta Hafnarfjarðar hefur styrkst. Þá hafa lækkanir á útsvari og fasteignasköttum létt undir með ungu fólki að koma sér fyrir í bænum. Það er satt að í Hafnarfirði er best að búa!
Rósa hefur sýnt sig sem sterkan og áreiðanlegan leiðtoga sem leggur áherslu á framsækna og hlýja nálgun. Hún hefur breytt Hafnarfirði til hins betra, og við treystum henni til að gera slíkt hið sama fyrir þjóðina.
Við hvetjum alla til að kjósa Sjálfstæðisflokkinn og tryggja Rósu inn á þing – hún er leiðtogi sem hefur náð árangri!
Kjósum Rósu fyrir Hafnarfjörð og framtíð þjóðarinnar!
Andri Clausen, Viktor Sigurðarson, Aðalbjörg Emma Hafsteinsdóttir, Unnur Elín Sigursteinsdóttir, Ólafur Þorsteinn Árnason, Helga Björg Loftsdóttir, Magnús Breki Brynleifsson, Birkir Snær Brynleifsson, Sara Aurora Lúðvíksdóttir, Páll Steinar Guðnason, Birkir Óli Júlíusson
