Fótbolti

Öruggt hjá Bröndby og Karó­lína og Leverkusen upp í annað sætið

Ingvi Þór Sæmundsson skrifar
Ingibjörg Sigurðardóttir lék allan leikinn í vörn Bröndby í kvöld.
Ingibjörg Sigurðardóttir lék allan leikinn í vörn Bröndby í kvöld. vísir/anton

Íslendingaliðin Bröndby og Bayer Leverkusen unnu sína leiki í sínum deildum í kvöld. Bröndby vann 0-3 útisigur á B93 í dönsku úrvalsdeildinni og í þýsku úrvalsdeildinni sigraði Bayer Leverkusen Köln, 1-2.

Ingibjörg Sigurðardóttir og Hafrún Rakel Halldórsdóttir léku báðar allan leikinn fyrir Bröndby sem er í 3. sæti dönsku deildarinnar með átján stig eftir ellefu leiki.

Bröndby hafði aðeins fengið eitt stig í síðustu tveimur leikjum fyrir viðureign kvöldsins svo sigur þeirra gulu var kærkominn.

Karólína Lea Vilhjálmsdóttir kom inn á sem varamaður hjá Leverkusen á 62. mínútu. Öll þrjú mörk leiksins komu á fyrstu 25 mínútunum.

Með sigrinum í kvöld komst Leverkusen upp í 2. sæti þýsku deildarinnar. Liðið er með sautján stig, einu stigi minna en topplið Bayern München sem á leik til góða.

Danski boltinn Þýski boltinn

Mest lesið


Fleiri fréttir

Sjá meira


×

Mest lesið