Innlent

Falla tíma­bundið frá á­kæru fyrir til­raun til manndráps

Jón Þór Stefánsson skrifar
Karl Ingi Vilbergsson sækir málið fyrir hönd héraðssaksóknara.
Karl Ingi Vilbergsson sækir málið fyrir hönd héraðssaksóknara. Vísir/Vilhelm

Héraðssaksóknari féll í morgun tímabundið frá ákæru um tilraun til manndráps sem átti að vera tekin fyrir í stóra fíkniefnamálinu svokallaða. Ákæran er á hendur einum af hinum grunuðu sem var gefið að sök að taka mann kyrkingartaki í sjö mínútur. Meint tilraun til manndráps tengist málinu ekki að öðru leyti.

Ástæðan fyrir því að fallið var frá ákæruna var til að liðka fyrir restinni af málinu sem er mjög umfangsmikið. Átján sakborningar eru taldir tengjast málinu sem verður fyrirferðamikið í Héraðsdómi Reykjavíkur í vikunni þar sem tveir dómssalir eru notaðir.

Saksóknari reiknar með að gefa út nýja ákæru í manndrápsmálinu síðar.

Meint tilraun til manndráps er sögð hafa átt sér stað laugardaginn 11. mars 2023 við hús í Norðlingaholti í Reykjavík. Sakborningurinn er sagður hafa tekið mann kyrkingartaki og þrengt að öndunarvegi hans í að minnsta kosti sjö mínútur. Með því á hann að hafa reynt að svipta manninn lífi.

Sá sem varð fyrir árásinni er sagður hafa losnað úr taki sakborningsins, en hann hafi verið settur í lífshættulegt ástand sem birtist í meðvitundarskerðingu, krömpum og blóðsúrnun.

Sólheimajökulsmálið Dómsmál

Tengdar fréttir

Sak­­borningur í potta­málinu grunaður um tilraun til manndráps

Karlmaður á fertugsaldri, sem er einn sakborninga í stórfelldu fíkniefnamáli, sem kennt hefur verið við potta og skemmtiferðaskip, er ákærður fyrir tilraun til manndráps. Honum er gefið að sök að hafa tekið annan mann kyrkingartaki, eins og segir í ákæru, og þrengt að öndunarvegi hans í að minnsta kosti sjö mínútur.

„Getum við verið sammála um að vera ósammála?“

„Ég veit ekki alveg hvað ég á að segja með þetta. Ég allavega neita sök í þessu og hef ekki vitneskju um þessi fíkniefni,“ sagði Jón Ingi Sveinsson, grunaður höfuðpaur í umfangsmiku fíkniefnamáli, í upphafi aðalmeðferðar málsins í Héraðsdómi Reykjavíkur í dag.

Mest lesið


Fleiri fréttir

Sjá meira


×

Mest lesið