Átti líka morgunspjall við ríkislögreglustjóra vegna Yazans Kolbeinn Tumi Daðason skrifar 18. október 2024 13:36 Áslaug Arna Sigurbjörnsdóttir hringdi í ríkislögreglustjóra meðan brottvísun Yazans Tamimi stóð yfir. Málið var á forræði dómsmálaráðherra. Vísir/Vilhelm Áslaug Arna Sigurbjörnsdóttir var annar tveggja fyrrverandi dómsmálaráðherra úr röðum Sjálfstæðisflokksins sem höfðu samband við ríkislögreglustjóra morguninn sem embættið stóð í brottvísun tólf ára drengs frá Palestínu, Yazan Tamimi. Auk þess hafði Jón Gunnarsson samband auk félags- og vinnumarkaðsráðherra. Heimildin greinir frá þessu í dag og vísar til gagna sem fengust afhent úr dómsmálaráðuneytinu varðandi brottvísun Yazans. Um er að ræða tölvupóst sem Sigríður Björk Guðjónsdóttir ríkislögreglustjóri sendi með ósk um vinnslu minnisblaðs þar sem hún rakti atburðarásina um morguninn. Samantekt Sigríðar Bjarkar ríkislögreglustjóra og beiðni um minnisblað. Bjarni gagnrýninn á símtal Guðmundar Inga Fram hefur komið og mörgum þótt gagnrýnvert að Guðmundur Ingi Guðbrandsson félagsmálaráðherra hringdi í ríkislögreglustjóra árla morguns. „Mér finnst það hins vegar, ég verð að segja það í allan stað mjög óeðlilegt að ráðherrann hringi beint í undirmann annars ráðherra,“ sagði Bjarni í umræðum um málið á þingi en bætti þó við að líkast til hefði Guðrún Hafsteinsdóttir dómsmálaráðherra verið sofandi á þessum tíma. Fram kemur í svörum ráðuneytisins til Heimildarinnar að Guðmundur Ingi hafi hringd klukkan 06:04 um morguninn og spurst fyrir um málið. Þingmaður og fleiri ráðherrar hafi í framhaldinu haft samband. Nú liggur fyrir að um var að ræða Jón Gunnarsson þingmann Sjálfstæðisflokksins og fyrrverandi dómsmálaráðherra og Áslaugu Örnu, fyrrverandi dómsmálaráðherra og nú háskóla-, iðnaðar- og nýsköpunarráðherra. „Við ríkislögreglustjóri áttum eitt stutt samtal rétt eftir klukkan 7 umræddan dag áður en náðist í dómsmálaráðherra. Fjölmiðlar voru þá þegar farnir að fjalla um málið og erfitt að átta sig á því hver væri hin raunverulega staða mála. Ég sendi henni skilaboð til að afla upplýsinga um stöðuna og í kjölfarið bað hún mig um að hringja í sig. Í því samtali fékk ég einungis upplýsingar um stöðuna, ég lýstri hvorki skoðun á málinu né hafði afskipti af því,“ segir Áslaug í færslu á Facebook. Athygli vakti um jólin 2021 þegar Áslaug Arna, sem dómsmálaráðherra, hringdi í lögreglustjórann á höfuðborgarsvæðinu eftir að lögregla tilkynnti fjölmiðlum um sóttvarnabrot í Ásmundarsal, hvar fjármálaráðherra var staddur. Afskipti Áslaugar voru töluvert gagnrýnd meðal annars úr ranni stjórnarandstöðunnar. „Það er grundvallaratriði að við treystum lögreglunni fyrir sínum verkefnum, það geri ég og hef marg ítrekað nú og sem dómsmálaráðherra að stjórnmálamenn eiga hvorki að hafa afskipti af einstaka málum. Að baki ákvörðun sem þessari er faglegt mat sem við höfum búið til ákveðið ferli fyrir. Ferli sem byggir á reglum sem Alþingi setur. Við stjórnmálamenn verðum að treysta því frá upphafi til enda.“ Aðeins dómsmálaráðherra gæti stöðvað brottvísun Sigríður Björk ríkislögreglustjóri segir í fyrrnefndum tölvupósti að allir viðmælendur hafi fengið þau svör að að frestun brottvísunar væri pólitísk ákvörðun sem aðeins dómsmálaráðherra gæti tekið ákvörðun um. Loks bárust skilaboð frá Guðrúnu dómsmálaráðherra sem hljóðuðu svo: Hér má sjá samskipti ríkislögreglustjóra við dómsmálaráðherra umræddan morgun. „Frá Bjarna: Ákvörðun um brottvísun stendur eðli málsins samkvæmt. Óska eftir að framkvæmd brottvísunar verði frestað í þeim tilgangi að tækifæri gefist til að eiga samráð innan stjórnarinnar. Óskað er eftir því af ráðherrum.“ Guðmundur Ingi sagði við fréttastofu á dögunum ekki telja óeðlilegt að hann hefði hringt í ríkislögreglustjóra umræddan morgun. Hann hafi ekki farið fram á neitt í símtalinu. „Ég virði auðvitað þá keðju undir og yfirmanna sem um er að ræða í þessu máli, þar sem dómsmálaráðherra er æðsti yfirmaður lögreglunnar. Ég var að leita upplýsinga og mér finnst eðlilegt að ráðherrar geti leitað upplýsinga hjá embættismönnum inni í íslensku stjórnkerfi. Annað væri óeðlilegt,“ sagði Guðmundur Ingi. Skömmu eftir að brottflutningi Yazans og fjölskyldu var frestað rann frestur til að vísa þeim úr landi án efnislegrar meðferðar út og svo fór að fjölskyldan hlaut alþjóðlega vernd hér á landi. Mál Yazans Ríkisstjórn Bjarna Benediktssonar Hælisleitendur Lögreglan Mest lesið Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Fagna afmæli virkjunar sem sökkti sveitajörðum en rafvæddi síldarbæ Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira
Heimildin greinir frá þessu í dag og vísar til gagna sem fengust afhent úr dómsmálaráðuneytinu varðandi brottvísun Yazans. Um er að ræða tölvupóst sem Sigríður Björk Guðjónsdóttir ríkislögreglustjóri sendi með ósk um vinnslu minnisblaðs þar sem hún rakti atburðarásina um morguninn. Samantekt Sigríðar Bjarkar ríkislögreglustjóra og beiðni um minnisblað. Bjarni gagnrýninn á símtal Guðmundar Inga Fram hefur komið og mörgum þótt gagnrýnvert að Guðmundur Ingi Guðbrandsson félagsmálaráðherra hringdi í ríkislögreglustjóra árla morguns. „Mér finnst það hins vegar, ég verð að segja það í allan stað mjög óeðlilegt að ráðherrann hringi beint í undirmann annars ráðherra,“ sagði Bjarni í umræðum um málið á þingi en bætti þó við að líkast til hefði Guðrún Hafsteinsdóttir dómsmálaráðherra verið sofandi á þessum tíma. Fram kemur í svörum ráðuneytisins til Heimildarinnar að Guðmundur Ingi hafi hringd klukkan 06:04 um morguninn og spurst fyrir um málið. Þingmaður og fleiri ráðherrar hafi í framhaldinu haft samband. Nú liggur fyrir að um var að ræða Jón Gunnarsson þingmann Sjálfstæðisflokksins og fyrrverandi dómsmálaráðherra og Áslaugu Örnu, fyrrverandi dómsmálaráðherra og nú háskóla-, iðnaðar- og nýsköpunarráðherra. „Við ríkislögreglustjóri áttum eitt stutt samtal rétt eftir klukkan 7 umræddan dag áður en náðist í dómsmálaráðherra. Fjölmiðlar voru þá þegar farnir að fjalla um málið og erfitt að átta sig á því hver væri hin raunverulega staða mála. Ég sendi henni skilaboð til að afla upplýsinga um stöðuna og í kjölfarið bað hún mig um að hringja í sig. Í því samtali fékk ég einungis upplýsingar um stöðuna, ég lýstri hvorki skoðun á málinu né hafði afskipti af því,“ segir Áslaug í færslu á Facebook. Athygli vakti um jólin 2021 þegar Áslaug Arna, sem dómsmálaráðherra, hringdi í lögreglustjórann á höfuðborgarsvæðinu eftir að lögregla tilkynnti fjölmiðlum um sóttvarnabrot í Ásmundarsal, hvar fjármálaráðherra var staddur. Afskipti Áslaugar voru töluvert gagnrýnd meðal annars úr ranni stjórnarandstöðunnar. „Það er grundvallaratriði að við treystum lögreglunni fyrir sínum verkefnum, það geri ég og hef marg ítrekað nú og sem dómsmálaráðherra að stjórnmálamenn eiga hvorki að hafa afskipti af einstaka málum. Að baki ákvörðun sem þessari er faglegt mat sem við höfum búið til ákveðið ferli fyrir. Ferli sem byggir á reglum sem Alþingi setur. Við stjórnmálamenn verðum að treysta því frá upphafi til enda.“ Aðeins dómsmálaráðherra gæti stöðvað brottvísun Sigríður Björk ríkislögreglustjóri segir í fyrrnefndum tölvupósti að allir viðmælendur hafi fengið þau svör að að frestun brottvísunar væri pólitísk ákvörðun sem aðeins dómsmálaráðherra gæti tekið ákvörðun um. Loks bárust skilaboð frá Guðrúnu dómsmálaráðherra sem hljóðuðu svo: Hér má sjá samskipti ríkislögreglustjóra við dómsmálaráðherra umræddan morgun. „Frá Bjarna: Ákvörðun um brottvísun stendur eðli málsins samkvæmt. Óska eftir að framkvæmd brottvísunar verði frestað í þeim tilgangi að tækifæri gefist til að eiga samráð innan stjórnarinnar. Óskað er eftir því af ráðherrum.“ Guðmundur Ingi sagði við fréttastofu á dögunum ekki telja óeðlilegt að hann hefði hringt í ríkislögreglustjóra umræddan morgun. Hann hafi ekki farið fram á neitt í símtalinu. „Ég virði auðvitað þá keðju undir og yfirmanna sem um er að ræða í þessu máli, þar sem dómsmálaráðherra er æðsti yfirmaður lögreglunnar. Ég var að leita upplýsinga og mér finnst eðlilegt að ráðherrar geti leitað upplýsinga hjá embættismönnum inni í íslensku stjórnkerfi. Annað væri óeðlilegt,“ sagði Guðmundur Ingi. Skömmu eftir að brottflutningi Yazans og fjölskyldu var frestað rann frestur til að vísa þeim úr landi án efnislegrar meðferðar út og svo fór að fjölskyldan hlaut alþjóðlega vernd hér á landi.
Mál Yazans Ríkisstjórn Bjarna Benediktssonar Hælisleitendur Lögreglan Mest lesið Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Fagna afmæli virkjunar sem sökkti sveitajörðum en rafvæddi síldarbæ Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira