Innlent

Nýtt björgunar­skip komið til landsins

Jón Ísak Ragnarsson skrifar
Björg verður til sýnis í Hörpu dagana 11 - 13 október.
Björg verður til sýnis í Hörpu dagana 11 - 13 október. LAndsbjörg

Björg, nýtt björgunarskip Slysavarnafélagsins Landsbjargar, var hífð frá borði Brúarfoss, skipi Eimskipafélagsins í Sundahöfn í um hádegi í dag. Björg mun leysa af hólmi skip með sama nafni á Rifi á Snæfellsnesi, sem er orðið 38 ára gamalt.

Frá þessu er greint í tilkynningu Landsbjargar.

Þar segir að Björg sé fjórða skipið í nýsmíðaverkefni Landsbjargar.

Meðalaldur þeirra skipa sem eigi eftir að endurnýja sé 38 ár, elsta skipið sé Hannes Þ. Hafstein í Sandgerði, 46 ára, og yngsta af þeim sem þarf að endurnýja sé Gísli Jóns á Ísafirði, 29 ára.

Næstu daga fari fram skoðanir á Björg, ásamt því að settur verði í hana ýmis tækjabúnaður eins og Tetra talstöðvar.

Björg verður til sýnis á ráðstefnunni Björgun 24 í Hörpu, dagana 11. - 13. október næstkomandi ásamt Jóhannesi Briem, þriðja skipinu í nýsmíðaverkefninu.

Björg var hífð frá borði í dag.Landsbjörg
Björgunarsveitir

Mest lesið


Fleiri fréttir

Sjá meira


×

Mest lesið