Enski boltinn

Dag­ný fékk gult þegar Hamrarnir nældu í sitt fyrsta stig

Runólfur Trausti Þórhallsson skrifar
Dagný í leik gegn Manchester United í 1. umferð.
Dagný í leik gegn Manchester United í 1. umferð. Ben Roberts Photo/Getty Images

Dagný Brynjarsdóttir lék allan leikinn á miðju West Ham United þegar liðið gerði 1-1 jafntefli við Liverpool í annarri umferð efstu deildar kvenna í knattspyrnu á Englandi.

Gestirnir frá Liverpool komust yfir í fyrri hálfleik og leiddu í hálfleik. Dagný fékk gult þegar rúmar tíu mínútur voru liðnar af síðari hálfleik en kláraði leikinn. Riko Ueki jafnaði metin fyrir West Ham þegar fimm mínútur lifðu leiks og lauk leiknum með 1-1 jafntefli.

Önnur úrslit voru þau að Khadija Shaw skoraði eina mark Manchester City í 1-0 sigri á Brighton & Hove Albion, Grace Clinton skoraði eina markið í 1-0 útisigri Manchester United á Everton og Frida Leonhardsen-Maanum skoraði eina markið í 1-0 útisigri Arsenal á Leicester City.

Fótbolti Enski boltinn

Mest lesið


Fleiri fréttir

Sjá meira


×

Mest lesið